Diyarname
Ji bo yên nizanin: 
Li Tirkiyeyê malperên têde "bahîs" (qumar) tê lîstin hene. 'Bahîs'ên li ser fûtbolê. Niha meseleya sereke hakêmên ku di lîgên fûtbolê de maçan bi rê ve dibin in û ew hakêm endamên van malperên bahîsê (qumarê) ne. Niha qala bi sedan hakêman dikin ku "bahîs" lîstine û bi vê jî bandor li encamên maçan kirine. Ev yek wekî encama fûtbola li Tirkiyeyê û rewşa wê ya niha ye.
Piştî vê agahiyê, va ne agahî û îstatîstîk:
- Di meha avrêla 2025'an de der barê hin hakêman de lêpirsîn hatiye dest pê kirin.
- Serokê TFF'ê (Federasyona Fûtbolê ya Tirkiyeyê) Îbrahîm Haciosmanoglu got, "371 hakêm endamên malperên bahîsê ne. Me xwe gihand delîlan ku ji van 152 hakêm bi awayekî çalak bahîsê (qumarê) dilîzin.
- Ne tenê hakêm, gelek xizmên wan, lîstikvanên fûtbolê û rêveber jî di nav lîsteyê de ne.
- Serdozgeriya Komarê ya Stenbola Tirkiyeyê lêpirsîn daye dest pê kirin û li qeydên 5 salên dawî dinêre.

2 SAL BERÊ CEZA BIRÎBÛN
- Du sal berê di maça Lîga 2'yemîn a  Sincan Belediyesi Ankaraspor - Nazilli Belediyesporê de mesele hatibû rojevê û hin rêveber bi cezayê pereyan hatibûn cezakirin.

MAÇÊN LÎGA SUPER BI RÊ VE BIRINE
- Ji hakêmên qumarbaz 7'anh jê di Lîga Suher de hakêmî kirine. 15 heban ji wan di Lîga Super de û di Lîga 1'emîn de wekî hakêmê ser xêzê kar kirine.
- Ji hakêman yekî bi tena serê xwe tam 18 hezar caran zêdetir qumar lîstiye.

3700 LÎSTIKVAN DI LÊPIRSÎNÊ DE NE
- Der barê gelek lîstikvanan de lêpirsîn hatiye dest pê kirin û ev hejmar gihîştiye 3 hezar û 700 kesî.
- Li gor zagonê yên ku bahîsên derveyî zagonê bilîzin bi 330 hezar TL pereyî têne cezakirin. Yên ku bidin lîstin û navenda bahîsê bin bi 3 salan heta 6 salan cezayê hepsê têne cezakirin.

DAXUYANIYA KLÛBAN
Piştî daxuyaniya Serokê TFF'ê Haciosmanoglu rêveberên klûbên fûtbolê yên Tirkiyeyê daxuyanî dan. Va ne hin agahî.
- Serokê Galatasarayê Dursun Ozbek: Ji bo fûtboleke paqij çi alîkarî lazim be emê bikin. 
- Serokê Fenerbahçeyê Sadettin Saran: "Daxuyaniya îro hem wekî mirovekî ji qada sporê hem jî wekî serokê Fenerbahçeyê kêfa min anî. Ji ber ku em wekî Fenebahçe me gelek caran ev aniye ziman. Mafdarbûna me dertê holê. Gelek girîng e. Li ser navê fûtbola tirkan ev xemginî ye lê herî hindik hatina rojevê hêviyê dide."
- Serokê Beşîktaşê Serdal Adali: "Maçên ku hakêman têde lîstine divê bi awayekî zelal bêne eşkere kirin. Wekî Beşîktaşî emê vê pêvajoyê bişopînin û ji bo dema borî emê li dû mafên xwe bigerin."
- Parêzvanên Amedsporê: Emê serî li dozgeriyê bidin. Em wekî parêzvanên Amedsporê 'ji bo lîstikek adilane' emê hemû derfetên hiqûqî bikar bînin."