Diyarname

Ev demeke li Herêma Kurdistana Federe bi rêya emeliyatan bi armanca estetîkê bejin tên dirêjkirin. Wezîrê Tenduristiyê bertek nîşan da û ragihand ku emeliyatên bi mebesta estetîkê dirêjkirina bejnê qedexe ye.

Li gor nûçeya Rojnewsê, Wezareta Tenduristiyê ya Hikumeta Herêma Kurdistanê bi daxuyaniyekê ragihand, wan komîteyek şêwirmendiya zanistî ya pispor ava kiriye da ku tedbîr û delîlên zanistî ji bo karanîna amûrên rastkirina derveyî yên dorhêl ji bo emeliyata ortopedî destnîşan bikin.

Di daxuyaniyê de hat gotin ku divê tu doktor an nexweşxane emeliyata dirêjkirina bejnê neke, ew tenê ji bo mebesta dermankirina pirsgirêkên tenduristiyê û delîlên zanistî ye, lewra ev desthilate ji bo direjkirina bejin û bale ya bi armanca estetîkê tê kirin, qedexeye.

Wezareta Tendirustiyê bang li welatiyan jî kir ku hişyar bin û xwe ji metirsî û aloziyên vê neştergeriyê dûr bixin. Ji ber ku li Herêma Kurdistanê heta niha tu navend an jî destûrek ya ji bo vî curê emeliyatê nehatiye dayîn.