Diyarname
Tîma Îngilistanê Arsenal piştî sala 1995-96'an yekem car di rêza 4'an de lîg bi dawî kir û nekarî here Lîga Şampiyonan a UEFA'yê. Ji ber vê yekê Arsenalê ji bo sala bê dest bi transferên girîng kir. Tîma îngilîz ji tîma fransiz Olympique Lyon golavêjê 26 salî Aleksandre Lacazette transfer kir. Tîm bi 46.5 mîlyon sterlînê hat transferkirin û bi vê yekê di Premier Lîgê de rekor şikand. Berî vê rekor di destê Mesut Ozil de bû. Di sala 2013'yan de Ozil bi 42.4 mîlyon sterlînî hatibû transferkirin.
Helbet ev 46.5 mîlyon sterlîn ji aliyê klûbê ve nehat eşkerekirin lê çapemeniya îngilîz ragihand ku ligel bonusan Lacazette bi vî pereyî hatiye transferkirin.
Golavêj Lacazette li tîma jêrîn a Lyonê dest bi fûtbolê kiribû û ji sala 2010'an de di tîman mezin de dilîze, di 275 maçan de 129 gol avêtiye. Lacazetta ligel Lyonê carik di lîgê de, carek Kûpaya Fransa û carek Kûpaya Super a Fransayê girtiye.
Sead Kolasinac jî transfer kirin
Her wiha Arsenalê çend roj berê ji Bosna Hersekê lîstikvanê defansê Sead Kolasinac jî transfer kiribû.