Diyarname
Leşkerên Hêzên Çekdarên Tirk (TSK) a Serleşkeriya Kolordiya 7'emîn a li Amedê di provayên xwe de strana "Canê canê" xwendin.
Di bin banê Serleşkeriya Kolordiya 7'emîn a Amedê de tîma bandoyê ya herêmê hate avakirin. Tîmê di provayên xwe de strana Delîl Dogan a bi navê "Canê Canê" ku bi salan Şivan Perwer bi kurdî xwend û dûre Îbrahîm Tatlises ew bi tirkî strabû, bi tirkî stra. Bandoyê digel "Canê Canê" strana ku hunermend Ceylan bi tirkî wekî "Lorke Lorke" stra jî xwend.
Bi vê yekê endamên Hêzên Çekdarên Tirk (TSK) gaveke balkêş avêt.
Delîl Dogan kî ye?
Delîl Dogan ji Dêrsimê ye û birê Mazlum Dogan e. Wî jî di nava xebata PKK'ê de cihê xwe girt, di sala 1980'yê jî de li Lubnanê di kampê de perwerdehî girt û dûre vegeriya Tirkiyeyê. Delîl Dogan di sala 1982'yan de li Dêrsimê di çalakiyeke çekdarî de jiyana xwe ji dest da.
Delîl Dogan ji têkoşîna wî zêdetir navê wî bi strana "Canê Canê" belav bû.
Ji bo guhdarîkirina "Canê Canê" ya ku leşkeran lêda û xwend binêrin
http://www.gazeteport.com/TV-VIDEO/index.htm?videoDocName=GP_530705
(Ji Gazeteportê hatiye girtin)
Û ev jî "Canê Canê" ya ku Şivan Perwer xwendiye: