DiyarName.Com

26'ê mehê agahiyên li ser Rojava...

...Ev tê nûkirin...

150 HEZAR PENABER HATIN KANTONÊN CIZÎR Û FIRATÊ
Li gor agahiyên ku ANF'ê ji Meclisa Koçberên Efrîn-Şehbayê girtin 150 hezar kes ji Teqba û Reqayê koçî kontên Firat û Cizîrê kirine. Piraniya wan li Kontaro Cizîrê li bajarên wekî Qamişlo, Hesekê, Amûdê, Rimêlan, Dêrik, Tirbesipiyê û Çilaxayê bi cih bûne.
Hevseroka Meclisê Nesrîn Silêman gotiye bi lezgînî pêdiviya me bi sobe, derman, pêdiviyên taybet ên jin û zarokan û pêdivî bi kincan heye.
*

Jinan li ser avahiya NY'yê ya Enqereyê bang kir: Mafên kurdan qebûl bikin
Bi banga ÎNsiyatîfa Jinan a Pêdiviya Min BO Aştiyê Heye komek jin îro li ENqereyê li ber ofîsa Neteweyên Yekbûyî (NY) hatin ba hev. Jinan diruşma "Jin,jiyan, azadî", "Bijî Berxwedana Kobanî", "Jin di aştiyê de israr dikin" bilind kirin. Jinan hin daxwaz anîn ziman:
- Bila êrîşê li ser gelê kurd û gelên din ên li Sûriyeyê bêne rawestandin. Dorpêça li Kobanî bê rakirin.
- Dadgeha Ceza ya Navneteweyî cih debikeve dewreyê û sûcên şer bide rawestandin, di serî de DAIŞ û HTŞ hemû kesên sûcê dike bidarizîne.
- Mekanîzmayên çavdêrî yên navnetweyî bikevin dewreyê û binpêkirinên mafên mirovan ên li hemberî sivîlan, jinan û zarokan belge bike.
- Li Sûriyeyê mafên tayînkirina qedera xwe ya kurdan û ya gelên din bide wan; êrîşên ku van mafan ji holê radike bidin sekinandin.
*

Bafil Talabanî li Mazlum Ebdî geriya
Serfermandarê HSD'ê Mazlum Ebdî li ser hesabê xwe eşkere kir ku Serokê YNK'ê Bafil Talabanî bi telefonê li wî geriya ye û got, "Ji ber telefonê ez kêfxweş bûm. Wî piştgiriya xwe ji bo gelê me û hêzên me eşkere kir. Piştgiriya her daîmî ya gelê me yê li Silêmanî me serbilind dike."
*

LI CULEMÊRGÊ BO ROJAVA GEL LI KOLANAN BÛ
Li Culemêrgê bi pêşengiya Platforma Ked û Demokrasiyê ji bo Rojava li navenda bajêr daxuyanî hat dayîn. Mebûsê Culemêrgê yê DEM Partiyê Vezîr Coşkûn Parlak û gelek kesên din amade bûn
Li aliyê din li Gevera Culemêrgê û li Bazîda Agirî jî gel bi daxuyaniyan piştgiriya Rojava kir..
*

LI QAMIŞLOYÊ DU KOÇBER JI BER SERMAYÊ MIRIN
ANHA'yê ragihand ku duh zarokekî bi navê Nasir Cemal (17 salî) û îro jî jina bi navê Zehîde Menan Reşo, ji ber sermayê canê xwe ji dest dane. Cenazeyên herdu koçberan li goristana taxa Hilêliyê ya Qamişloyê hatin binaxkirin.
*

Dayikên Aştiyê li ber Balyozxaneya Îngîltere bang kirin: Dayik şer naxwazin
Li Stenbolê Dayikên Aştiyê çûn ber Balyozxaneya Îngilistanê ya li Beyogluya Stenbolê, çelenga reş danîn û banga rawestandina şer kirin. Di dema danîna çelenê de polîsan êrîş kir, lê dayika bi israr ew danîn wir.
Dayika Aştiyê Sabîha Bozan li vir got "Dayik şer naxwazin. Em hatin li pêşiya Balyozxaneya Îngîltereyê lê êrîşê me kirin. Me xwest peyama aştiyê bidin lê destûr nedan. Lê Dayikên Aştiyê wê herin her derî.”
Dayikên Aştiyê diruşmeyên “Bijî Berxwedana Rojava", "Jin Jiyan Azadî” bilind kirin.

*

2 JÊ ZAROK 5 KES KUŞTIN
Çekdarên girêdayî Artêşa Ereb a Sûrî êrîşê gundê Xirab Îskê ya Kobanî kirin. Li gor ANHA'yê 2 jê zarok 5 kes di vê êrîşê de mirine.
Navên kesên di êrîşê de mirine yên ku diyar bûn ev in: Fatima Osman, Cemîle Ehmed Osman, Sulav Reşo Bozan Kedro. Her wiha Zarokê bi navê Cafer Mihemed Şêx Bozan.
Her wiha Şêrîhan Hec Mehmûd, Fatima Hec Mehmûd, Mesûd Şêx Bozan, Nesrîn Mistefa û Mihemed Şêx Bozan birîndar bûne.

MEŞA LI DÊRIKA MÊRDÎNÊ
Platforma Saziyên Demokratîk li Dêrika Mêrdinê meşek ji bo piştgiriya Rojava lidar xist. Girse ji ber Postexaneyê heta Qada Navçeyê meşiya.

LI ZERKÛTIKÊ ZAROK BIRÎNDAR BÛN
Çekdarên girêdayî Artêşa Ereb a Sûrî îro êrişê gundê Zerkutik a Kobanî kirin. Li gor nûçeya ANHA'yê di êrîşa bi topan hatiye kirin de zarokek û 3 kesên din birîndar bûne.

LI ÇILAXAYÊ ŞER
Li aliyê din li gundê Safayê ya girêdayî Çilaxayê çekdarên Artêşa Ereb êrîşê çeperên hêzên kurdan kirin. Şer qewimî. Ligel şerawestinê jî ji duh de li wê eniyê dem bi dem êrîş û xweparastin pêk tên.

Hin nûçeyên eleqedar:

- 1'ê Reşemî wekî 'Roja Rojava ya Dinyayê' hat ragihandin

- Mazlum Ebdî: Hevdîtin didomin, Artêş wê nekeve Herêmên Kurdan

- 25'ê mehê, agahiyên li ser Rojava

- Şaredariyên DEM Partî: Ji bo Rojava em hemû derfetên xwe seferber dikin

-- 24'ê mehê, agahiyên li ser Rojava

- Heyva Sor a Kurd ji bo rakirina dorpêça li ser Kobanî banga lezgîn kir

- Koma Berxwedan bi stran û peyaman piştgiriyê dide Rojava

-- 23'yê mehê agahiyên li ser Rojava

- 70 rexistinên li Ewropayê banga piştgiriya ji bo Rojava kir

-- 22'yê mehê agahiyên li ser Rojava yên derketine pêş...

- Heyetê li Rojava daxuyanî da: Divê her kes tevli berxwedana Rojava bibe

-- 21'ê mehê, nûçeyên li ser Rojava…