DiyarName.Com

Diyarname
Kanal Ronahî TV êvara 25'ê mehê bernameyeke taybet liger Serfermandarê HSD'ê Mazlum Ebdî çêkir. Ebdî qala agirbesta heyî û tiştên heta niha axivîne kir.
Va ne hin gotinên wî:

PEYMANA 18'Ê MEHÊ
- Em bi Peymana 18'ê Rêbendanê ve girêdayî ne. Ev mijar wê kengê û çi wextê de pêk bê, em li ser wê kar dikin. Em hewl didin di vê dema agirbestê de hin gavan biavêjin.

3 XALÊN PEYMANÊ
- 3 xalên sereke ên vê peymanê hene. Ya yekê bi herêma kurdî ve girêdayî ye. Em dixwazin herêmên kurdî destkeftiyên xwe biparêzin û têde şer çênebe. Li ser vê hinek li hevkirinek heye, hinek xal mane, di rojên pêşî me de emê li ser zelal bikin.
- Xala din meseleya mihafazaya Hesekê ye. Hûn dizanin ev der di bin destê Rêveberiya Xweser de bû. Saziyên Rêveberiya Xweser hene bi rê ve dibin. Ev saziyên hene di nav saziyên dewletê de wê çawa hevsenga wê çêbe. Li ser wê.
- Xalên hatine zelalkirin hene. Hêzên ewlekariya hundir li cihê xwe bimînin, bi erkê xwe rabin.
- Dîsa mijara entegrasyona HSD'ê ya giştî hene. Li ser vê hinek gav hatine avêtin. Em amade ne vê îtifaqê pêk bînin. Bi alîkariya hêzên navneteweyî emê li ser bisekinin û bi encam bikin.

MESELEYA NEQILKIRINA DAIŞIYAN
- Di vê dema agirbestê de naqilkirina DAIŞ'iyan temam bibe. Dîsa emê li ser meseleyên divê bê çareserkirin, temam bibin. Hedef ew e em vê demê wê îtîfaqa 18'ê mehê temam bikin.

'ARTÊŞA SÛRÎ WÊ NEKEVE HERÊMÊN KURDAN'
- Li gor îtîfaqê divê Artêşa Sûrî nekeve herêmên kurdan. Hêzên ewlekariya hundir û hêzên dewleta Sûrî bi hev re wê li ser vê bisekinin. Artêşa Sûrî pêwiste derveyî herêmê be

- Di navbera me û rêveberiya Sûrî de hevdîtin didome, kanal heye. Hêzen navneteweyî jî di nav de ne.

MACRON JÎ DI NAV DE YE
- Serokomarê Fransa birêz Macron jî di nav de ye. Çend caran bi min re jî, bi wan re jî axiviye.

'ME JI BO MIHAFIZÊ HESEKÊ NAV PÊŞKÊŞ KIRIYE'
- Me hin navên xwe pêşkêş kirine, wekî mihafizê Hesekê. Di îtîfaqê de divê em bidin diyarkirin. Dîsa alîkarê wezirê ê parastinê. Ev me dane xuyakirin. Dîsa ji bo erkên din ku em dixwazin bigirin, ew jî me pêşkêş kirine. Dema erêkirin çêbe, emê raya giştî re eşkere bikin. Lê heta niha berdewam e.

'TIŞTÊN LIHEVKIRÎ JÎ HENE, TIŞTÊN EM DIXWAZIN JÎ HENE'
Bila ji axaftina me neyê fêmkirin ku me li hev kiriye. Na. Gere em zelal bin. Niha dan û standin hene. Xalên me li hev kirine jî hene. Tiştên em dixwazin jî hene. Tiştên hikumeta Şamê qebûl nekirine jî hene. Li vir hevdîtin dewam dikin, hêzên navneteweyî jî di nav de ne. Em nabêjin ekîd (teqez) emê bi ser bikevin.

LIGEL HEMÛ LÎDERÊN KURDAN HEVDÎTINÊN ME ÇÊBÛN, YEKÎTÎ ÇÊBÛ:
- Yekîtiya kurdî çêbûye, ew rihê di dema Kobanî de dîsa çebûye, ev serketineke ji bo me hemû kurdan. Min bi xwe bi hemû liderên kurdan de dan û stand, piştgiriya xwe bo me diyar kirin. Çi Rêvberiya Herêma Kurdistanê Serok Barzanî, Kek Nêçîrvan, çi Silêmanî, di serî de kek Bafil, Dr. Berhem Salih, Serokê Iraqê Dr. Ebdulatif. Partiyên me yên siyasî yên Bakur heta vir hatin piştgiriya xwe nişan dan. Me ligel hemûyan têkilî danî. Cihê sipasiyê ye.

- Ev helwesta ku kurdan nişan daye bila dewam bike heta ku em bigihîjin îtifaqekê, heta herêmên kurdan mîsoger bibin.

MESELEYA EFRÎN Û SERÊ KANIYÊ
- Ji bo me ferqa Kobanî, Qamişlo û Efrînê nîn e. Em behsa xisûsiyeteke kurd dikin, helbet Efrîn jî, Serê Kanî jî di nav de ye. Girê Sipî jî di nav de ye. Gere koçberên wir jî vegerin. Helbet gavek pêş de, paş de, lê ev jî meseleya vê îtîfaqê ye. Çareseriya ji bo Kobanî û Qamişloyê bê kirin, pêwîste ji bo Efrîn û Serê Kaniyê jî bê kirin.

- Zêdegavî çêbû, tiştê kurdan heq nekir hat kirin. Zimanekî şovenîst hat meşandin. Helbet ev wê werin mihasebekirin. Divê hesab ji wan bê pirsin. Gere em neyên Lîstikên ev kesên şovenîst. Hinek dixwazin di navbera kurd û ereban de şer derxin. Provakasyonan çêbike. Gelê kurd divê neyê provakasyonê. Ê me ehlaqekî me heye. Vê jî bêjim, hê jî di nav quwetê me de gelek hevalên me yên ereb hene. Bi hezaran şehidên me, dostên me hene. Însanên baş jî di nav pêkhatiyên ereb de hene. Erê yên xirab hene, yên baş jî hene.

MESELEYA REQA'YÊ
- Em ji Reqa, Teqba û Dêre Zorê vekişiyan. Sebebek xwe hebû, me nexwest heta dawî li wir şer bikin. Em ji bo hedefek çûbû wir, ji bo têkbirina DAIŞ'ê em çûn. Li ser xwesteka gelê wir em çûn. Niha rewşek din derket holê. Me pêwîstî nedît heta dawî em şer bikin, em vekişiyan herêmên piraniya wan kurd in. Niha rewş cuda ye.

'HERÊMÊN KURDAN XETA ME YA SOR E'
Em parastina gelê xwe, parastina herêmên kurdî kurdî. Parastina Kobanî, Dêrikê, Qamişloyê dikin. Emê li vir şer bikin. Xeta me ya sor e. Heta ferdek me nabe emê şer bikin. Wê kes bi ser nekeve. Şer li vir naqede. Her kes jî vê dizane. Ne tene leşkeri, faktorên din jî hene. Ez hêvî dikim kes şaşiyan neke, û êrîşê neke. Ez bawerim hikumeka Sûrî jî niha naxwaze tiştek wisa bike. Ew jî dixwazin meseleyê bi diyalogê çareser bike. Hêza me ji bo şerê li vê derê amade ye. Li vir çareseriyek çêbe dê ne çareseriya leşkerî be, wê siyasî be, em jî wê dixwazin.

Hin nûçeyên eleqedar:

- 25'ê mehê, agahiyên li ser Rojava

- Şaredariyên DEM Partî: Ji bo Rojava em hemû derfetên xwe seferber dikin

-- 24'ê mehê, agahiyên li ser Rojava

- Heyva Sor a Kurd ji bo rakirina dorpêça li ser Kobanî banga lezgîn kir

- Koma Berxwedan bi stran û peyaman piştgiriyê dide Rojava

-- 23'yê mehê agahiyên li ser Rojava

- 70 rexistinên li Ewropayê banga piştgiriya ji bo Rojava kir

-- 22'yê mehê agahiyên li ser Rojava yên derketine pêş...

- Heyetê li Rojava daxuyanî da: Divê her kes tevli berxwedana Rojava bibe

-- 21'ê mehê, nûçeyên li ser Rojava…

- Hevserokê DBP'ê Bayindir li Rojava axivî: Bila heyetên ji dinyayê jî bên vir

-- 20'ê mehê, nûçeyên li ser Rojava…