Diyarname

Tiştek çawa ye mirov di maçên fermî de derkeve 1000’emîn maça xwe û di vê maçê de jî golê biavêje. Mirov hejmara golên xwe derxe 789’an û hem mirov kêfxweş bibe, hem tîma mirov bi ser bikeve? Ma li dinyayê ev yek ji bo çend kesan dibe nesîb? Belkî di sed hezarî de, belkî di mîlyonê de yek. Em çi dizanin… Lê em dizanin ku em qala Messi dikin.

Lione Messi, stêrkê ku dibiriqe, lîstikvanê fûtbolê yê navdar ê arjantînî, hezkiriyê berdil ê gelek fûtbolhezan… Erê, ev Lionel Messi îro ligel tîma xwe ya neteweyî Arjantînê bû û di maça Dora 16’an de ligel Avustralyayê lîst. Di maça ku li Stada Ehmed bîn Elî de hat lîstin de Messi li sehayê bû. Erê maç ji bo Arjantînê muhîm bû, ji bo Dora 16’an derbas bikin û derbasî Çarîk Fînalê bibin, lê ji bo Messi jî gelek muhîm bû. Ji ber ku ev 1000’emîn maça Messi bû. Erê, tam bi temamî bû 1000 maçên fermî ku Messi formayê li xwe dike û golan diavêje. Ev yek nabe nesîbê her kesî, lê ev Messi ye.

Lîstikvanê 35 salî heta niha 169 caran formaya neteweyî ya Arjantînê li xwe kiriye. Û li Barselona û PSG’ê jî 831 caran forma li xwe kiriye, yanê 1000 caran.

 Di van 1000 caran de Messi 789 gol avêtin ligel gola ku îro avêt. Her fiha 338 caran jî ji bo golê pas daye hevalên xwe.

Û çend îstatîstîkên din:

- Bi gola îro de hejmara golên Messi ên ku di Kûpaya Cîhanê de avêtine derket 9’an. 

- Li Arjantînê heta niha herî zêde Batistuta gol avêtine, 10 gol. Maradona 8 gol avêtibûn. Messi, Maradona derbas kir û ma golek bigihîje Batistutayê.

- Reqîbê Messi, Ronalda li vê tûrnûvayê xwediyê 8 golan e û bi gola îro re Messi reqîbê xwe jî derbas kir.

***
 

Nûçeyên Kûpaya Cîhanê:

- Kûpaya Cîhanê 2022 Qatar, Rûpela Taybet