Diyarname
Di çar maçên çarîk fînalê yên Lîga Şampiyonan de tam 14 gol hatin avêtin. Ji 8 tîman hema bêje 3 tîm derbasî nîv fînalê bûn jî. Vane maçên hatin lîstin:

Liverpoolê nefes li MC'ê çikand: 3-0
Di Premier Lîga Îngilistanê de Manchaster City (MC) bi 84 pûanan di rêza yekemîn de ye û wisa diyar e berî lîg bi dawî bibe bi 5-6 hefteyan dê şampiyoniya xwe ragihîne. Û Liverpool bi 66 pûanan di rêza sêyemîn de ye û tu hêviya wê ya şampiyoniyê nîn e. Ev her du tîm îro di çarîk fînala Lîga Şampiyonan de hatin hemberî hev.
Di maça li mala Liverpoolê li dar ket de Liverpoolê nehişt  MC nefesê bigire; tam 3 gol avêtin: 3-0. Di deqîqeya 12'yan de Mohammed Salar, deqîqeya 20'î de Aleks Okslade Chamberlain û di deqîqeya 31'ê de Sadio Mane li ser navê Liverpoolê gol avêtin û maç bi dawî kirin. Bi vê yekê ji bo derbasbûna nîv fînalê Liverpoolê firsendek mezin bi dest xist.

Barselonayê Roma şewitand!
Tîma Katalan Barselona li mala xwe Roma kir mêvan lê mêvandariya wê ne baş bû: Barcayê bi 4-1 Roma têk bir û ji bo derbasbûna nîv fînalê firsendek mezin bi dest xist. Di deqîqeya 39'ann de De Rossi, deqîqeya 55'an de Manolas (wî avêt keleha xwe) bi van her du golan nîveka yekemîn bi 2-0 a serketina Barselonayê bi dawî bû.
Di nîveka duyemîn de Gerard Pique ê defansparêz di deqîqeya 59'an de wekî forvet derket pêş û rewş anî 3-0. Romayê bi Dzeko gol avêt, xwest bibe şirîkê maçê lê deqîqeya 87'an de Suarez got em hene: 4-1.

Duh du maçên din hebûn
Di maçên Lîga Şampiyonan ên duh hatin lîstin de Real Madrîdê li mala Juventus tîm bi 3-0 têk bir. Di maçê de Ronaldo hem bi du golan ku yek jê bi roveşata bû derket pêş û mohra xwe li maçê da. Real Madrîdî ajantajek mezin bi dest xist.
Di maça din de jî Bayer Munih li mala Sevilla bi 2-1 têk bir.

Dema maçên duyem
Maçên duyemîn 10 û 11'ê vê mehê dê li dar bikevin lê ji van encaman sê tîm (Real Madrid, Barselona, Bayer Munih) surprîzek mezin çênebe dê derbasî nîv fînalê bibin. Ji tîmên îngilîz ji Liverpool û MC yek dê derbasî nîv fînalê bibe; avantaja mezin di destê Liverpoolê de ye, lê MC dê li dû surprîzê be.