Diyarname
Piştî bi kayyûmê dest danîn ber Çapxaneya Gunê rojnameya Welat nekarî ligel çapxaneyek din li hev bike û li wir rojnameyê çap bike. Ji ber ku kesî xwe neda ber ku rojnameyê çap bike. Ji ber vê yekê duh rojname bi awayekî fotokopî derketibû û îro biryar da ku bi awayê dîjîtal weşana xwe bidomîne.
Li ser rewşa dawî ya rojnameya Welat îro li Sendîkaya Rojnamegeran a Amedê (TGS) daxuyanî dan çapemeneyî. Mebûsa HDP'ê Sibel Yigitalp, Hevserokên HDP'ya Amedê, rêveberên KCD'ê û gelek rojnameger beşdar bûn.
Xwediyê Rojnameya Welat Zeynel Abîdîn Bulut got ku zordariyên il ser wan ji salên 1990'an zêdetir in. Bulut wisa got: "Bi Rewşa Awarte re li vî welatî zimanê kurdî bi awayekî giîlî hatiye qedexekirin. Kayyûmên ku şandin ser şaredariyan hemû sembolên ziman û çanda kurdan nîşan didin ji holê rakirin. Ji roja pêşî de desthilatdarî dijî weşana bi kurdî ye. Li Tirkiyeyê teakne rojnmeya rojane ya bi kurdî Welat elê nikare çapxaneyek bibîne ku wê çap bike. Piştî ku kayyûm şandin ser rojnameya Ozgurlukçu Demokrasî û Çapxaneya Gunê li Edeneyê çapxaneya ku bi salan e rojnameya me çap dike berî çend deqe ji bo çapkirina rojnameyê bimîne agahî da me ku nikare çap bike. Ligel ku ji aliyê hiqûqî ve tu astengî nîn e jî xwediyê çapxaneyê gotiye ku ev pirsgirên ji wî wêdetir e û ew nikare ji bin vî barî rabe."
Bulut got ku ji bo em rojnameyê dernexin çi ji dest wan tê dikin. Bulut got ku ji bo demek dê wekî dîjîtal weşana xwe bidomînin û bang li xwendevan, abome û sazsiyên neteweyî û navneteweyî kir ku piştgiriyê bidin wan.
**
Nûçeyên eleqedar:
.jpg)
