Selahattin Demirtaş piştî komkujiya li Pirsûsê ku nêzî 30 kesî jiyana xwe ji dest da ji bo Nûçe TV axivî û got:

- Komkujî ji êrîşekî ji rêzê gelek wêdetir, bi plan, koordîneyî, geşedanên siyasî şopandinê û mudaxeleyê li geşedanên siyasî bikin e. Perçeyekî êrîşên li Kobanî li Pirsûsê xistin jiyanê. Di salvegera Şoreşa Rojava de pêk hat. Li hemberî ciwanên enternasyonalîst ên bi Kobanî re di nava piştevaniyê de pêk hat. Peyama berdêlê wê çibe bila bibe destûrê nadin şoreşê, didin.

- Me koordînasyoan ji HDP, DBP, HDK û KCD'ê pêk tê ava kir. Ji bo birîndar bên dermankirin dê kedê bidin. Lijneya Rêveber a Navendî ya Partiya me jî dê sibê li Enqere kom bibe. 

- Bêyî em bitirsin emê têkoşîna xwe bidomînin.

-Emê tevdîrên xwe yên ewlehiyê bigirin û li hemberî DAIŞ û hevkarên wê bitêkoşin

- Her kesên diçin Kobanî û tên, tên şopandin û qeyd tê girtin. Bêyî ji hundir alîkariyek  hebe ne mimkûn e komkujiyek wisa çêbe.

- AKP divê helwesta xwe diyar bike. Bi şermezarkirinê tenê nabe gere li dderve û hundir  li hemberî DAIŞê Operasyonan bide destpêkirin 

- hemû avahiyê partiya me û partiyên nêzî me bêyî lêgerîna ser wan divê kesî negirin hundir.  

- Dibe ku êrîş DAIŞ'ê kiribe. Kê kiribe bila kiribe berpirsiyarê yekemîn Hikûmeta Demî ye. Çav li rêxistinbûna DAIŞ'ê girtine. Li cihên çeteyên DAIŞ'ê derbas dibin tedbîrên ewlehiyê negirtin. 

- Yên ji me re dibêjin 'Mesafayê danîn navbera xwe û terorê' berpirsiyarên yekemîn in. Yên ji DAIŞ'ê re dengê xwe dernexin berpirsiyar in. Li hemberî êrîşên wisa em dest ji rêgezên xwe yên aştî, demokrasî û edaletê bernadin. Roj roja piştevaniyê mezin bikin e. Divê hemû kes li hemberî êrîşê bertekên xwe bînin ziman.

Her wiha li ser navê Hevserokên HDP'ê daxuyaniya nivîskî hat dayîn, bûyer bi tundî hat şermezarkirin û hat gotin ku hikumeta demî berpirsê vê yekê ye. Di daxuyaniyê de wisa hat gotin: "Hikumeta demkî mecbûr e ji bo can û malê hemwelatiyan ewlehiyê bigire. Hikumeta ku li hemberî PYD'ê artêşê û bi hezaran leşkeran li ser sînor bi cih dike, mecbûr e hesabê vê komkujiya ku li Pirsûsê bi hêsanî tê kirin bide. Ji hemû kêmasiyên îstîxbarî û ewlehiyê ev hikumet berpirs e.

KCK: AKP'ya ku DAIŞ mezin kir berpirsê komkujiyê ye

Kongreya Civaka Demokratîk li ser komkujiya Pirsûsê daxuyaniyeke nivîskî weşnad, got ku ev êrîş bi agahiya MÎT'ê hatiye kirin û berpirsê vê komkujiyê AKP ye. Di daxuyaniyê de wisa hat gotin: "Di asta yekemîn de AKP'ya ku piştgirî da DAIŞ'ê berpirsê vê komkujiyê ye. Êdî li Tirkiyeyê kî DAIŞ'î kî endamê îstîxbaratê yê di bin fermana AKP'ê de ye ne diyar e. AKP'ê ji ber neyartiya li hemberî kurdan DAIŞ anî Tirkiyeyê û êdî ew û DAIŞ ketine nava hev."

**

Nûçeya Eleqedar:

- Bi bihîstina komkujî re HDP bi lezgînî dicive, mebûs diçin Pirsûsê