Diyarname
Li ser mirina siyasetmedar Salih Muslim heyetek ji Bakur çû Rojava û sersaxî da malbata Muslim. Heyet li Kobanî jî çû navenda Rêveberiya Xweser.

Heyeta ji Bakur ku ji Hevserokên Giştî yên DEM Partiyê Tuncer Bakirhan û Tulay Hatîmogullari, Hevserokên Giştî yên DBP'ê Çîgdem Kiliçgun Uçar û Keskîn Bayindir, Hevberdevkên Însiyatîfa Yekîtiya Demokratîk Gulcan Kaçmaz Sayyîgît û Mehmet Kamaç, Hevberdevka HDK'ê Meral Daniş Beştaş, Cîgira Hevserokên Giştî ya DEM Partiyê ji Têkiliyên Derve Berpirsiyar Ebru Gunay, aktivîsta TJA'yê Sebahat Tuncel, siyasetmedarên kurd Leyla Zana, Çetîn Arkaş, Serokwekîla Koma DEM Partiyê Gulistan Kiliç Koçyîgît, pêk dihat gihîşt Rojava. Heyet çû serdana malbata Salih Muslim û sersaxî da wan.

Di kona ji bo şînê hatiye danîn de Leyla Zana û Eyşe Efendî ligel hev rûniştin.

Li ser navê malbata Salih Muslim, hevjîna wî Eyşe Efendî bi xêrhatina şandeyê kir û wiha got: "Em jî wekî malbata şehîd Salih Muslim bi xêrhatina şandeyê dikin û em ê gelek kêfxweş in bi hatina we. Em jî wekî malbat em ê her tim di nava têkoşîn û berxwedanê de bin û xwedî li ked û têkoşîna şehîd Salih Muslim derkevin."

Heyet li Kobanî çû navenda Rêveberiya Xweser a li Kobanî. 

Li aliyê din li bajarên Qamişlo û Dêrikê jî ji bo Salih Muslim şîn danîn û xelk diçe serdana wir.

Nûçeyên Eleqedar:

- Siyasetmedarên ji Bakur wê herin Rojava diyar bûn

- Ji bo Salih Muslim kî çi got?

- Siyasetmedar Salih Muslim mir