Diyarname
Îro li 10 cihan mîtîngên ji bo pîrozbahiya Newrozê hene. Ya heri mezin li Wanê ye. Di van kêliyên ev nûçe hat belavkirin mîtîng û pîrozbahî didome.
Li ber Keleha Wanê bi deh hezaran kes hatine ba hev û Newrozê pîroz dikin.
Piştî endamên komîteya amadekar, Hevşaredarên Wanê yên ji peywirê hatin girtin Abdullah Zeydan û Neslihan Şedal axivîn.
'EMÊ TÊKOŞÎNÊ BILIND BIKIN'
Şedal qala berxwedanê kir û got, "Heta ku aştî û azadî bê ser vê axê em ê têkoşîna xwe mezin bikin. Em ê ji bo aştiyê xizmetê bikin. Em hêvî dikin ev Newroz bibe Newroza aştî û wekheviyê û bibe destpêka civaka demokratîk."
'EMÊ CAREK DIN KAYÛMAN RÊKIN MAL'
Zeydan wisa wisa got, "Bi saya vê têkoşînê û bi saya keç û lawên ev têkoşîn gihîşt van rojan. Em hêvîdarin ku wê hemû gelê Kurd, gelên Tirkiyeyê û hemû Rojhilata Navîn piştgiriyê bide vê banga dîrokî. Berxwedana Rêberê Gelê Kurd birêz Abdullah Ocalan û hemû girtiyên zindanan û têkoşêrên Kurdan berxwedanek pîroz kirin. Her tim nirxên me parastin. Dora me ye. Me sozek dabû wan. Me gotibû em ê van qeyûmên wan diz û talanker rêkin mala wan. El hemdûlîlah gelê me yê wanê li Wanê 14 şaredariyên xwe bi dest xistin. Wezîfeya xwe bi cih anî. Me çawa 31ê Adarê qeyûmên diz ên AKPê rêkir mala wan, em bi bawer in di demek nêzîk de piştî vê pêvajoya girîng em ê carek din rê bikin mala wan.”
***
Nûçeyên Eleqedar:
- Li Ûrmiyeyê bi deh hezaran kesî Newroz pîroz kir
- Ji Qesra Îsheq Paşa heta ber Tirba Ehmedê Xanî meşa Newrozê
- Li Başûr ji bo Newrozê 3 roj tatîl ragihandin
- Va ye strana Newrozê ya îsal
- Meşaleyan Sûrên Amedê ronî kirin
.jpg)
.jpg)
.jpg)
