Diyarname
Nivîskar Mûrad Dildar ku berê "Qesra Spî" nivîsî bû vê carê bi "Dara Sêvê" hat.

Pirtûka "Dara Sêvê" ya Dildar ji Weşanên Avestayê di Weşanên Hêlîn de hat weşandin ku di vê beşê de pirtûkên ji bo zarokan tên weşandin.

"Dara Sêvê" ji aliyê Arzu Karahan ve hatiye resimkirin, resim reş û spî ne.

Beşek ji destpêka çîrokê:
Hebû tunebû, li welatekî dûr axayekî pirr dewlemend hebû. Navê wî Nêçîrvan Axa bû. Baxçeyekî wî yê xweşik û pirr mezin hebû. Gul û kulîlkên reng bi reng di nav vî baxçeyî de şîn dibûn. Gava bîhna gulan li nav baxçe belav dibû, meriv ji wê bîhnê mest dibûn. Ji vî baxçeyê xweşik û mezin re digotin Baxçeyê Heftreng. Ji bo gul û kulîlkên Baxçeyê Heftreng bîhn bikin û li rengên wan ên xweşik temaşe bikin, ji welatên dûr meriv dihatin dîtina Baxçeyê Heftreng. …

Dara Sêvê / Mûrad Dildar/ Wêne: Arzu Karahan / 40 / Pirtûka Zarokan