Diyarname

Vê hefteyê 4 fîlmê tirkî, 2 ji derveyî Tirkiyeyê 6 fîlm ketine vîzyonê. Ji yên derveyî Tirkiyeyê “Metronom” û “The Fabelmans” her du jî hêjayî temaşekirinê ne.

“Metronom”, serdema qedexeyên li Romanyayê

“Metronom” fîlmê derhênerê ji Romanyayê Aleksandru Belc e. Fîlm li Festîvala Fîlman a Cannesê hat nîşandayîn û bi xelata Derhênerê Herî Serketî girt.

Çîroka fîlm payîza 1972’yan li Romanyayê dest pê dikeb Keçikek 17 salî Ana dibihîje ku dê hevalê wê ji bo carek din venegere ji welat bireve. Her du evîndar dixwazin rojên xwe yên dawî bi hev re derbas bikin. Ew, ligel komek hevalên xwe li malek kom dibin û bi hev re guhdariya Radyoya Azad a Ewropayê dikin ku dewletê guhdarîkirna vê radyoyê qedexe kiriye. Û helbet haya wan jê nîn e dê polîs bi ser wî malî de bigirin. Fîlm temaşevanan dibe serdema qedexeyên li Romanyayê.

Fîlmê li Cannesê bal kişand ser xwe Mara Bugarin, Serban Lazarovici, Vlad Ivanov, Mihai Calin û Andreea Bibiri serlîstikvaniya wî dikin.

Çîroka “The Fabelmans”ê ciwan

“The Fabelmans” fîlmê derhênerê navdar Steven Spielberg e. Dema navê wî tê gotin av û hewa radiwestin. Wî heta niha gelek fîlmên bi nav û deng, fîlmê serketî pêşkêşî cîhana sînemayê kirine. Vê carê ew berê xwe dide çîroka xwe. Speilberg ji bîranînên xwe ev fîlm saz kiriye û berê kamerayê dide Fabelmanê ciwan ku dixwaze fîlmên mezin bikişîne. Fabelman ligel malbata xwe bi awayekî mutewazî li Arîzonayê dijî. Fabelman ji aliyek ve di warê sînemayê de dixwaze xw pêş bixe, lê li aliyê din li nav malbatê pirsgirêk xwe nîşan didin.

Di fîlm de Michelle Williams, Paul Dano, Seth Rogen û Gabriel LaBelle dilîzin.

Ji 70'yan ve heta 2000'î “Sevda Mecburi İstikamet”

Ligel ev her du fîlman, ji Tirkiyeyê jî fîlmê ku derdikeve pêş fîlmê derhêner Çagan Irmak e. Irmakê ku di nav sînemaya Tirkiyeyê de xwedî cihekî taybet e bi fîlmê xwe yê nû “Sevda Mecburi İstikamet” li pêşberî sînemahezan e.

Di fîlm de Selçuk Yöntem, Selin Şekerci, Kubilay Aka û Elif Ceren Balikçi dilîzin.

Çîroka “Sevda Mecburi İstikamet” ji salên 70’î dest pê dike û heta 2000’î tê.

Va ne hemû fîlmên vê hefteyê:

- Metronom / Derhêner Alexandru Belc

- The Fabelmans / Derhêner Steven Spielberg

- Sevda Mecburi İstikamet / Derhêner Çagan Irmak

- Duşeş 1: Mafya Sizintisi / Derhêner Bilal Kalyoncu

- Evlad-i Cin / Derhêner Suat Ergin

- Rafadan Tayfa: Galaktik Tayfa / Derhêner İsmail Fidan / Anîmasyon