Diyarname

Lîstika Şermola Performansê ya bi navê "Mem û Zî"n ku Mîrza Metîn derhêneriya wê kiriye vê hefteyê li Amedê tê lîstin. Lîstik rojên 28 û 29'ê mehê dê li sehneya Şanoya Bajêr a Amedê derkeve pêşberî temaşevanan.

Derhêner Mîrza Metîn bi şêwazeke nû Mem û Zîn amade kiriye û pêşkêş dike. Çavkaniya vê "Mem û Zînê" kilama Dengbêj Reso ye ku Dengbêj Reso yek ji girîngtirîn dengbêjan e ku kilama Mem û Zînê bi dengbêjî vegotiye. Li dor sedî 95'ê vê kilamê di lîstikê de cih girtiye.

Lîstika Mem û Zînê xwe dispêre vê pirsê:"Kilamek, stranek, çîrokek ango destaneke gelêrî, bêyî ku wekî teksteka şanoyê ji nû ve bê nivîsandin, çawa dikare bi rengekî nûjen bê sehnekirin? Bi vê pirsê lîstik hewl dide ku derhişa destanê derxe holê û vebêjeyeke rîtuelî pêk bîne li ser dîwana şanoyê."

Ev lîstika "Mem û Zîn" par di meha sermawezê de yekem car li Batmanê derket ser dikê û dûre hat Amedê. Niha carek din li Amedê ye.

KUNYE:

Lîstik: Mem û Zîn

Çavkanî: Dengbêj Reso

Konsept/Derhêner: Mîrza Metîn

Lîstikvan: Pelda Bal, Kenan Demir, Roni Dildar

Dramaturg/Alîkara Derhêner: Zelal Angay

Koreograf/Rahêner: Arjen Brûsk

Sêwirînerê Ronahiyê: Mîrza Metîn

Fotograf: Bariş Evîz