Diyarname

Li Stenbola ku nêzî 20 mîlyon kes lê dijîn rewşa tenduristiyê her ku diçe xirabtir dibe. Wezareta Tenduristiyê ya Tirkiyeyê ji bo 14'ê mehê ragihand ku li hemû Tirkiyeyê 92 kes ji vîrusa koronayê mirine. Lê Şaredarê Bajarê Mezin ê Stenbolê Ekrem Îmamoglu ji ser twittera xwe re agahiya: "Serokatiya Daîreya me ya Goristanan ragihanid ku îro hejmara kesên 'Ji nexweşiya berbelav' mirine 164 e."

Piştî vê twitê agahiyeke din hate belavkirin: Wezîrê Tenduristiyê yê Tirkiyeyê Fahrettin Koca li Îmamoglu geriyane û axivîne. Îmamoglu ev lêgerîn jî bi ser twitterê re parve kir lê qala naveroka hevdîtinê nekir, tenê meseleya "Gavavêtina bi hev re wezîfeya me ye" anî ziman.

Îmamoglu berî van nava rojê jî bi twitek bank kiribû ku pêdiviya Stenbolê bi 2-3 hefteyên qedexeya derketina derve heye.

Li aliyê din Odeya Tabîban a Stenbolê jî ragihand ku rewşa vîrusê ji bin qontrolê derketiye û pêşî lê neyê girtin dê rewş xirabtir bibe.