Diyarname
Nûçegîhanê rojnameya Radikalê Ertugrul Mavioglu ji ber ku bi Serokê Lijneya Rêveberiyê ya KCK'ê Murat Karayilan re hevpeyvînek kir der barê wî de doz hate vekirin.

Piştî hevpeyvîn di Radîkalê de derket bi çend mehan yekî der barê Mavioglu de serî li Dozgeriya Stenbolê daye. Li ser vê jî der barê rojnameger Mavioglu de doz hate vekirin û dozger dixwaze 5 sal cezaya hepsê lê bibire.

Mavioglu li ser dozê reaksiyon nîşan da û got: "Wisa bûye em çi binivîsin dibe sedema dozê. Tayyip Erdogan li ser azadiya ramanê çi dibeje bila bibêje ger doz li nûçeyê jî vedibe rewş li holê ye. Nivîsên ku bi temamî nûçe ne jî ji aliyê dewletê ve wekî hedef têne nîşandayîn."

Doz di heman demê de bi îdîaya "Pesindana şîdetê" hatiye vekirin. Lê Mavîoglu dibêje ku berevajî vê yekê di hevpeyvînê bi xwe de şîdet tê şermezar kirin, rêxistin ji ber mirinên sivîlan ku berê pêk hatine lêborînê dixwaze û di vî warî de yekemîn hevpeyvînek e.

Aliyê balkêş a meseleyê jî ev e ku hevpeyvîn di rojên 28-30'yê 2010'an de sê rojan di Radikalê de hatibû weşandin lê bi ser re 5 meh derbas bûne hê doz vedibe. Çend roj berê rojnameger Nedim Şener û Ahmet Şik bi îdîaya endamtiya Ergenekonê hatibûn girtin. Mavîoglu jî tevî Ahmet Şik pirtûkek li ser fêmkirina Ergenekonê amade kiribû. Piştî girtina Şik, dozek wisa jî balê dikişîne.