Diyarname

Wêneyê hunermenda meksîkî Frida Kahlo ku ev 60 sal bûn li holê nîn bû niha derket holê û hefteya pêşiya me li New Yorka DYA'yê dê derkeve mezatê. Wêneyê bi navê "Keçika bi kolye" dê roja 22'yê vê mehê li mezatê be û li bendê ne ku bi 2 mîlyon dolarî bê firotin. Berî firotinê ji 19'ê mehê heta 22'yê mehê wêne dê ji bo temaşekirina gel bê pêşkêş kirin.

Wêne di sala 1929'an de hatiye çêkirin  û mêre Frida Kahlo piştî mirina Kahlo ev tablo diyarî jinek ku alîkariya wê kiriye, kiribû. Ew dibêje di sala 1955'an de ev wêne diyarî wê kirine. Ew jina ev tablo di dest de niha 90 salî ye, li Kalîforniyayê dijî û ev 60 sal in vê tabloyê li mala xwe vedişêre. Jina xwedî vê wêneyî îsal ev wêne dabû Mezatxaneya Sotheby û bi vî awayî wêne derketibû holê.

Berpirsê hunera Amerîkaya Latîn Axel Stein dibêje "Ev wêne baş hatiye parastin" û van lê zêde dike: Wêne gelek nû dixuye. Di beşek tarî a mal de hatiye veşartin û rengên wêneyê gelek zindî ne."

Çend agahiyên li ser Kahlo:

Ew di sala 1907'an de li Meksîko City hatiye dinê, dema zarok bûye felc bûye û di 18 saliya xwe de jî di qezayeke otobusê de birîndar bûye. Di dema dermankirina wê de ku ev dem gelek dirêj dom kiriye bi wêneyê re eleqedar bûye. Ji sisêyan yekê wêneyên wê otoportre ne.

Ew di sala 1929'an de ligel Diego Rivera zewiciye, ji hev veqetiya lê dîsa bi hev re zewicîne. Kahlo di sala 1954'an de miriye.

Ev wêneyê niha dê bikeve mezatê wê otoportreya xwe ya wekî zarokek çêkiriye. Wêneyek din a Kahlo ku têde du jinên tazî risim kiribû îsal li New Yorkê bi 8 mîlyon dolarî hatibû firotin.