DiyarName.Com

'Parazît' bi Oscarê ket!

Îsal jî xelatên bi prestîj ên sînemayê hatin belavkirin. Oscar ku li dinyayê xelatên herî navdar in bi merasimek hatin b

Diyarname

Îsal jî xelatên bi prestîj ên sînemayê hatin belavkirin. Oscar ku li dinyayê xelatên herî navdar in bi merasimek hatin belavkirin. Di şevê de yekemîn car "Xelata Fîlmê Herî Serketî" dan fîlmekî ne bi îngilîzî hatiye kişandin. Fîlmê "Parasite" (Parazît) ev xelat girt û tiştek nû derxist holê.

Heta niha Xelata Fîlmê Herî Serketî didan fîlmên ku bi îngilîzî hatine kişandin. Lê ji ber ku rexnegiran, sînemager û sînemahezan ji Parazît pir hez kir îsal cudabûnek çêbû û xelat dan vî fîlmî. "Parazît" ligel Xelata Fîlmê Herî Serketî, Xelata Derhênerê Herî Serketî jî girt. Her wiha fîlmî Xelata Senaryoya Xwezer jî girt.

Xelata Lîstikvanê Herî Serketî (Joaquin Phoeniks) û Lîstikvana Herî Serketî (Renee Zellweger) wekî gelek kes li bendê bûn hatin belavkirin.

Vane hemû xelatên hatin belavkirin

- Fîlmê Herî Serketî: Parasite

- Derhênerê Herî Serketî: Bong Joon Ho (Parasite)

- Lîstikvanê Herî Serketî: Joaquin Phoenix (Bi rola di Jokerê de)

- Lîstikvana Herî Serketî: Renee Zellweger (Bi rola di Judy de)

- Lîstikvanê Duyemîn ê Herî Serketî: Brad Pitt (Bi rola di "Once Upon a Time in Hollywood" de)

- Lîstikvana Duyemîn a Herî Serketî: Laura Dern (Bi rola di "Marriage Story" de)

- Senaryoya Lêanînê ya Herî Serketî: Taika Waititi - Jojo Rabbit

- Strana Xweser a Herî Serketî: I'm Gonna Love Me Again - Rocketman (Elton John û Bernie Taupin)

- Muzîka Herî Serketî: Joker (Hildur Guadnadottir)

- Fîlmê Navneteweyî yê Herî Serketî: Parasite