Diyarname
Di Kûpaya Cîhanê ya Jinan a FIFA'yê de çarîk fînalîst diyar bûn. Di maça duh hat lîstin de Hollandayê Japonya bi 2-1 têk bir û derbasî çarîk fînalê bû.
Tîma Neteweyî ya Jinan a Hollandayê di deqîqeya 17'an de bi gola Lieke Martens 1-0 derket pêş. Japonyayê bi Yui Hasegawa di deqîqeya 43'yan de bersiv da û nîveka yekemîn bi 1-1 bi dawî bû.
Hollandayê di deqîqe 90+3 de bi penaltiya ku Lieke Martens veguhart golê maç bi 2-1 bi dest xist. Bi vê yekê derbasî çarîk fînalê bûn.
Maçên çarîk fînalê
Ji nav Dora 16'an 8 tîm derbasî çarîk fînalê ûn ku 7 ji wan tîmên ji Ewropayê ne. Vaye çarîkfînalîst:
- Norwec-Îngilistan
- Fransa-DYA
- Almanya-Swêd
- Îtalya-Hollanda
Maçên nîv fînal û fînalê
Maçên çarîk fînalî dê rojên 27,28 û 29'ê vê mehê saet 22'yan de bêne lîstin. Maça yekem roja 27'ê mehê di navbera Norwec û Îngilistan, maça duyem jî roja 28'ê mehê di navbera Fransa û DYA de dê bê lîstin.
Her du maçên din roja 29'ê mehê ne. Îtalya û Hollan0da saet 16'an de, Almanya û Swêd saet 19.30 de dê bêne hemberî hev.
Maçên Nîv fînalê rojên 2 û 3'yê tîrmehê (saet 22'yan de), maça sêyemînî roja 6'ê tîrmehê (saet 18'an de) û maça fînalê dê 7'ê tîrmehê saet 18'an de bê lîstin.
8'emîn car e li dar e
Îsal 8'emîn car e Kûpaya Cîhanê ya Jinan a FIFA'yê tê li dar xistin. Tûrnûva îsal li Fransayê li dar dikeve û maça fînalê dê li bajarê Lyona Fransayê li dar bikeve û tîma serketî ya kûpayê diyar bibe.
Di sala 2015'an de DYA di vê tûrnûvayê de bi ser ketibû.
***
REKLAM: