Diyarname

Serokê Giştî yê CHP'ê Kemal Kiliçdaroglu li hemberî referandûma serxwebûna Herêma Kurdistana Federe got ku bila Tirkiye, Îran û Iraq bên ba hev. Kiliçdaroglu ji bo ajansa dewletê AA'yê axivî û got ku Tirkiyeyê li hemberî referandûmê helwestek milî nîşan daye û meclis jî li pişt vê yekê ye. Kiliçdaroglu wisa got: "Gava duyem a girîng ku bê avêtin bi lezgînî divê Tirkiye û Îran ligel hikumeta navendî ya Iraqê bê ba hev. Ger çareseriyeke hevpar neyê çêkirin Tirkiye dikare hin gavên girîng biavêje."
Wekî notek: Hikumeta Tirkiyeyê tezkereya operasyona leşkerî ya ji bo derveyî sînorên Tirkiyeyê ku wekî Iraq û Sûriye nîşan kirine di meclisê de bi piştgiriya mebûsên AKP, CHP û MHP'ê da erêkirin. HDP dijî tezkereyê derket.

**

Nûçeya li ser referandûmê:
- Ji serê sibê de agahiyên li ser referandûmê