Amed
Hetê Şaredariya Bajarê Gird a Amedî sey her sere emsar zî “Nuştişê kayê tîyatroyî yê 6'inan yê Ebdurrehîm Rehmî Hekarî” ame organîzekerdiş. Kesê ke kayê nuştibî kayê xo şirawitîbî înan rê xelate dîya 3 kesan û kesê bînan rê zî xelata mansîyonî ameye dayîş.
3 kayê ke kewtîbî derece xelate girewte. Kayê promiyera "Bûn An Jî Nebûn" zî ame kaykerdiş.
Verê merasîmî xelatdayîşî kayê "Bûn An Jî Nebûn" ame kaykerdiş. Kaya ke Melchior Lengyelî nuşta û Jan Mendell adapteyî ci kerd, behsê Polonya de wextê Şerê Dinya yê 2'yinan de têkoşînê trajîkomîk semedo ke sehneyê înan nêro girewtiş keno. Kay, hetê nuştox Dilawer Zeraqî ra ameya açernayîş û derhênerîya kaye zî Ruknettîn Gunî kerdo. Niştişê kayê tîyatroyî ê 6'inan Ebdurrehîm Rehmî Hekarî hetê Şaredariya Girda Bajarê ê Amedî Semedo ke niştişê kurdî aver şêro, teşwîqkerdişê niştoxanê neweyan û ciwanan ame amadekerdiş.
Kayanê emserî de, xelate semedê 3 kayê başî ameye dayîş. Xelata kayê "Rêberê ku li xwe digere" ê Ahmet Bîlgeyo hepisxanera şirawitbî, hetê Serokê Komeleya Nivîskarên Kurd Omer Dilsoz ra ame dayîş. Xelata Kayê "Aîşa" ya nuştox Trîfe Kerîmyan ê rojhilatê Kurdistanî, hetê Serekê PEN'a Kurd Şêxmûs Sefer ra ame dayîş û xelata kaya "Venasîn" ê nuştox Umran Yûsifo Rojava ê Kurdistanî, hetê Sekreterê Pêroyî yê Şaredariya Girdî Zulkuf Karatekîn ra ame dayîş.
Semedê kaya "Bêcir" ê Recep Îçen, kaya "Wêneyên di Albumê de" ê Dîlek Oz û kaya "Gênc Xelîl" ê Îbrahîm Abrahîmî zî xelata mansiyonî ame dayîş.
Serekê Daîreyê Kultur û Hunerî Cevahir Sadak Duzgun semedo ke Şaliko Bêkes û Gazî Bamernî beşdarî merasîmî nêbîyî, vilan da endamê jurî Dr. Ghotbedîn Sadeghî, Kawa Şêxê û Berfîn Emektar.