Hozan Efrînî

Îro roja şemiyê li bajarê Silêmaniyê, demjimêr 10'ê sibê, Nûneriya Xweseriya Demokratîk ya Rojavayê Kurdistanê hat vekirin.

Bi amadebûna piraniya aliyên siyasî yên Herêma Kurdistanê, Nûneriya Xweseriya Demokratîk a Rojavayê Kurdistanê hat vekirin. Di vekirinê de, berpirsê desteya kargêr a politburoya YNK'ê Mela Bextiyar pîrozbahî li xelkê Kurdistan û bi taybet li yê rrojavayê Kurdistanê û şervanên YPG-YPJ'ê kir.

Mela Bextiyar eşkire kir ku îro rojeke dîrokî ye di dîroka xebata salên derbasbûyî ku îro encamên wê tekoşîn û xebata mezin ya tevayî Kurdistanê bi her çar aliyên wê. Bextiyar dazanîn ku Silêmaniyê herdem hemû aliyên Kurdistanî li xwe girtiyê bi armaca piştîvaniya ew şoreşên ku gelê kurd pê radibe.

Berpirsê Desteya Kargêr ya Politburoya YNK'ê di berdewamiya axiftina xwe de, got; "Em wekî Yekîtiya Nîştimanî ya Kurdistanê herdem piştîvaniya perçeyên din yê Kurdistanê bûne û bi taybetî di şoreşa rojavayê Kurdistanê de, me destek da û em didin û emê berdewam bin li ser hevkarî û piştevaniya xwe ji rojavayê Kurdistanê re."

Mela Bextiyar got ku berxwedana şervanên YPG-YPJ`ê hemû cîhan rakir ser piyan û rastiya rewabûna şoreşa kurd li rojavayê Kurdistanê dan nas kirin û wisa dom kir: "Ew bûn semobol çi li Kobanê û çi li cihên din ku şerê terorîstên DAIŞ'ê kirin û îro hem ji aliyê dîplomasî û hem ji siyasî û hem jî leşkerî ve li pêş e."

PUKmedia