Diyarname
Konferansê aştî Cenevre-2 ke 22'yê menga şî de dest pa kerd bî, eyro qediya, la konferans de ti biryar niyame girotişî.
Nûnerê Taybet ê Sûriye Jobûney Ereban û Netewey Jobîyî El Ahdar el Îbrahîmî eyro bi nûnerê hikumet û muxalefetîdir xeberî da û dimara qeybî çapemenî va: Qeybî derwey hîrinan a mizakereyan ma tarîx eşkere nêkerd.
Îbrahîmî wina vat: "Ma fikiryay ke wirdî hetî jî şorê kê xo, bifikiriyê û wazenê ene pêvajo dewam bikero yan nê, wa vacê."
Gorey vatişê Îbrahîmî Cenevre-3 go viraziyo yan nê jo nêzano. Di Cenevre-2 de kurdî niyamey temsîlkerdişî.
Cenevre-2 menga şî 22'yê cayde dest pa kerde bî, dimara çende rojî mabeyn dabî civîne û dimara 10'ê ene menge de reyna dest pa kerd bî. Civîne eyro qediya û ti encam tera nêveciya.