Amed
KCD'ê, encamnameya 1’emîn Kongreya Tenduristiyê eşkere kir. KCD'ê di encamnameya kongreya 26'ê Rêbendanê de biryar da ku komîsyona tenduristiyê ji bo şert û mercên Îmraliyê û girtîgehên din lêkolîn bike bê avakirin. KCD'e dîsa xwest komîsyona tenduristiyê ku biçe Rojava lêkolîn bike bê avakirin û ji bo ferhenga Tibê ya bi kurdî bê avakirin biryar girt.

Kongreya Civaka Demokratîk (KCD) encamnameya kongreya xwe ya tenduristiyê eşkere kir. 1’emîn Kongreya Tenduristiyê a Kongreya Civaka Demokratîk (KCD) di 26-27'ê Rêbendanê de li Salona Şanoyê a Şardariya Bajarê Mezin pek hat.

Li salonê pankartênên “Kijan tendurustî; tendurîstiya xwezayî tendurstiyek çawa? Bi azadbûnê bi azadkirinê. Bi kêre tenduristî? Bî jinê re, Bi xwezeyê re, bi kedê re. Ji bo kê tenduristî? Ji bo domdariya ekosîstemê” hatin daliqandin Prof. Dr. Gençay Gursoy, ji Zanîngeha Yildiz Teknîkê Prof. Dr. Beyza Ustun, doktorên ji Herêma Federal a Başûrê Kurdistanê, Serokê berê ê Yekîtiya Tabîbên Tirkiyeyê (TTB) Erîş Bîlaloglu, Sekretera Giştî ya SES’ê Bedriye Yorgun, Hevseroka KCD’ê Aysel Tugluk, Endamê Meclisa Dayîmî ê KCD’ê Edîp Yaşar jî di nav de li herêmê û ji Tirkiyeyê bi dehan delege tevlî bûn.

Kongreyê diyarî 3 jinên siyasetmedar en kurd ku li Parîsê hatin qetilkirin hate kirin

Di kongreyê de biryar û pêşniyarên hatin girtin wiha ne:
* Divê çavkaniyên tenduristiyê wekî hev li her kesî bên belavkirin û her kes wekî hev sûde jê bigirin. Divê her kes ji hemû xizmeta tenduristiyê wekî hev sûdê bigirin. Divê edaleta tenduristiyê li hemû herêman pek hev bê kirin û cudahiya di navbera xizmetê de ji holê bê rakirin. Ji bo vê yekê divê xebat bên kirin.
* Divê xizmeta tenduristiyê bi zimanê zikmakî bê dayîn. Ev yek dê serkeftina xizmetê pêş bixe.
* Divê heyetek serbixwe ya tenduristiyê bê avakirin û li Îmraliyê ku 14 salin tecrît tê meşandin lêkolîn bike. Dîsa heyeta tenduristiyê ku hemû girtîgehan kontrol bike û venêrtinê bike bê avakirin. Divê ev komîsyon ji bo rastkirina şert û mercên tenduristiyê xebatan bimeşîne.
* Divê meclisa tenduristiyê ya KCD'ê komîsyonê ava bike û li ser têgeha jineolojiyê lêkolîn bike, xebatê bimeşîne.
* Ji bo xizmeta tenduristiyê ya parastinê bê kirin, bi raya meclisên herêmî yên komîn ên tenduristiyê li navendên tenduristiyê ji aliyê şaredariyê ve bên avakirin hat girtin. Biryara xizmeta tenduristiyê ji aliyê navenda tenduristiyê ya şardariyê ve ji gel re bê ragihandin û perwerdehî bê dayîn, hat stendin.
* Hemû xizmet û perwerdehiyên tenduristiyê bi zimanê zikmakî bên dayîn. Ji bo vê yekê biryara li ser vê yekê hewldan bê kirin, hat girtin.
* Biryar hat girtin ku ji bo xwendekaran tekildarî teduristiyê perwerdehiya tenduristiyê bê girtin.
* Di bin baneya meclisa tenduristiyê ya KCD'ê de komîsyonên ekolojîk û rêveberiyên herêmî li bajar û gundan li ser ekolojî, av, daristan û mêrgan lêkolîn bê kirin û li hemberî xebatên sermiyedaran tedbîrên ekolojîk bên girtin.
* Ji bo xizmeta tenduristiyê têkeve emrê civakê û asta tendurisityê bê başkirin, divê xizmetkarên amator bên perwerdekirin û biryarên têkildarî xizmetê bi civakê re bên girtin.
* Biryar hate girtin ku ji bo gelê Rojava komîsyona lêkolînê û alîkariya tenturistiyê bê avakirin.
* Biyar hat girtin ku ji bo ferhenga Tibê ya kurdî û tib bi kurdî pêş bikeve komîsyona lêkolîn û amadekariya ferhengê bê avakirin.
* Hat diyarkirin ku Rêxistina Tenduristiya Cîhanê pênaseya tenduristiyê kêm dibîne û dixwaze navê têgeha tenduristiyê firehtir bê destgirtin. Hat xwestin tenduristiya civakî, siyasî, çandê jî lê bê zêdekirin û xizmeta tenduristiyê azad bê dayîn."