Roma
5’emîn Mîhrîcana Fîlmên Kurdan a Romayê duh dest pê kir. Mîhrîcana ku li Nuova Cinema Aquilaya Romayê tê lidarxistin ku gelek fîlmên balkêş dê werin pêşandan diyariyê sê jinên çeleng ên kurd ku li Parîsê hatin qetlikirin Sakîne Cansiz, Fîdan Dogan, Şeyla Şaylemez û dosta kurdan nivîskara îtalî Mîrella Gallettî ya ku îlona derbasbûyî jiyana xwe ji dest da hat kirin. Mîhrîcana îsal bi dirûşma ‘Heviya Azadiyê-Speranza di Liberta’ tê lidarxistin û dê 20’ê çileyê jî bidawî bibe.

Berî destpêka mîhrîcanê li avahiya Teatro Valle Occupatoyê resepsiyoneke hat dayîn. Di reseppsiyonê de fîlmê bi navê Zarê ku di sala 1926’an de li Ermenistanê hatiye kişandin û wekî yekem fîlmê kurdî tê zanîn hat pêşandan. Piştî pêşandana fîlmê hunermenda kurd Tara Caf û hunermenda operasyê ya kurd Pervîn Çakar bi performanseke zindî bi muzîka xwe ve guhdar mest kirin.

‘DENGÊ BAVÊ MIN’

5’emîn Mîhrîcana Fîlmên Kurdan a Romayê li avahiya Casa del Cinemayê duh bi pêşandan fîlmê derhênerê kurd Zeynel Dogan ê bi navê ‘Dengê Bavê Min’ ku behsa Komkujiya Gurgumê dike hat pêşandan. Di çarçoveya herka mîhrîcanê de dê derhêner Zeynel Dogan jî piştî pêşandana fîlm bi temaşevanan re gotûbêjeke li dar bixista lê ji ber ku Dogan dê li Elbistana Gurgumê tevli merasîma cenazeya biraziya xwe Fîdan Dogan a li Parîsê tevli Sakîne Cansiz û Leyla Şaylemez hat qetilkirin bibe tevli mîhrîcanê nebû. Bernameyên mîhrîcanê dê li avahiya Nuovo Cinema Aquilayê pêk werin. Di çarçoveya bernameyê de derhênera kurd Mizgîn Mujde Arslan, rexnegirê sînemayê û nivîskar Borîs Solazzo, Rêvebirê Mîhrîcana Fîlman a Hewlêrê Adnan Osman û Rêvebera Mîhrîcana Fîlmên Kurdan a Romayê Hêvî Dîlara tevli çalakiyan bibin.

PANELA LI SER PENABERAN

17’ê çileyê ango îro dê fîlmên bi navê ‘Faîlî Dewlet’ ku derhêneriya wê Veysî Altay kiriye û ‘Deftera Licê’ ku derhêneriya wê Ersîn Çelîk kiriye dê werin pêşandan. Piştî pêşandana fîlman dê paneleke bi navê ‘Penaberên kurd ên li Îtalyayê’ were lidarxistin. Berpirsa Komîsyona Neteweyî ya Komseriya Penaberan a Bilind a Neteweyên u Elena Behr, Serokê Beşa Azadiyên Sivîl û Penaberan a Wezareta Karên Hundir Ricardo Compagnucci, Dîrektora Penaberan a Wû yek ji parêzarên Rêberê Gelê Kurd Abdullah Ocalan Arturo Salerni dê di panelê de biaxivin. Piştî panelê dê fîlmê derhêner Seyfettîn Tokmak ê bi navê ‘Mîdyeyên Şikestî’ were pêşandan.

XWENDEKAR JI BÎR NEKIRIN

Mîhrîcanan ku bi bernameya xwe ya xurt balê dikişîne ji bo xwendekarên dibistanên seretayî ango zarokan jî du roj hatine veqetandin. Di bernameya ji bo zarokan hatiye veqetandin de 4 fîlm werin pêşandan û malbatên zxarokan jî dikarin bi zarokan re bernameyan bişopînin. Di mîhrîcanê de ji bilî pêşandana fîlman û panelan dê semînereke li ser komkujiyên li hemberî kurdan jî were lidarxistin. Kesên ku dê di semînerê de biaxivin; ji başûrê Kurdistanê Hasan Noori Shaikhmohammed Salih û Goran Adham Rahim, nivîskar û lêkolîner Mehmet Bayrak, Elenuora Iannottaya ku teza xwe ya zanîngehê li ser komkujiya li hemberî kurdan çêkiriye. 5’emîn Mîhrîcana Fîlmên Kurdan a Romayê bi pêşandan ‘Girgîteha Hejmar 5’, ‘ Li vir’ û ‘Sirta ligel ba’ dê bidawî bibe.

(Di konserê de Tara Caf û Pervin Cakar konsereke pêşkêş kiri)

ANF

***

Nûçeyên eleqedar:

- Cenazeyên 3 siyasetmedaran tînin Tirkiyeyê

- Bi dehe hezaran kesî hesabê komkujiya Parîsê pirsî

- Serokomarê Fransayê: Min yek ji wan nas dikir

- Li ser bûyerê kî çi got?

- Li Parîsê 3 siyasetmedarên jin ên kurd hatin qetilkirin