Diyarname
Lîstika şanoyê ya Teatra Avestayê "Daf" dest bi tûrneya xwe dike. Di tûrneyê de "Daf" dê li Amed, Mêrdîn, Batman, Bazîdê bilîze. Her wiha lîstikvan niha amadehî dikin ku piştî van bajaran lîstikê bibin Patnosa Agirî, Bazarcixa Qersê, Îdir û Wanê jî.
Lîstika ku Aydin Orak, Remzi Pamukçu û Dîlan Guçer tê de rol digirin cara yekemîn di 18. Mîhrîcana Şanoyê a Stenbolê de derket hember temaşevanên mîhrîcanê û eleqeyek mezin dît. Piştre di sezona şanoyê a nû de bi derheneriyek nû lîstik di 17. Mîhrîcana Navnetewî a Şanoyê A Enqere derket ser sehnê.
Di lîstika Daf de bêwatetiya sînorên di navbera gelan de digire dest. Heman gelê ku di navenda wî de sînor hatiye danîn û du leşkerên ku wî sînorî diparêzin. Ew leşkerên ku dafan vedidin, her ku diçe ew nizanin ku ew dafên di hişê wan de ye û li wan hatiye vedan. Lîstika ku Aydin Orak nivîsiye, Murat Hasari mûzîk, Saît Kulen alîkarê derhêner, Kubra Erîşîr kostum û dekor û Dîlan Guçer, Remzî Pamukçu û Aydin Orak dilîzin.
Bernameya "Daf"ê ku diyar bûye bi vî rengî ye:
- 21 berfanbar, saet 15.30, Mêrdîn, Zanîngeha Artuklu.
- 23 berfanbar, saet 19.00, li Qoserê, Ana Çocuk Sagligi Salonu.
- 24 berfanbar, saet 19.00, li Şanogeha Bajarê Mezin A Amedê. - 25 berfanbar, saet 19.00, li Nisêbînê, Navenda Çanda Mîtanî.
- 26 berfanbar, saet 19.00, li Batmanê, Salona Yilmaz Guney. - 29 berfanbar, saet 19.00, li Bazîdê, Kutlu Aktaş Salonu.