Diyarname
Li rojhilatê Kurdistanê 6 partiyên siyasî hatibûn ba hev û Hevpeymana Siyasî ya Rojhilatê Kurdistanê ava kirin. Hevpeymanî îro jî civîna xwe li dar xist û logoyeke ji bo hevpeymanê hilbijart.

Di civînê de rewşa siyasî ya li Îran û Kurdistanê, encamên şer, pêvajoya guhertinê û geşedanên siyasî hatin nirxandin û li ser çend erkên Hevpeymaniya Hêzên Siyasî yên Rojhilatê Kurdistanê biryar hatin dayîn.

Her wisa di civînê de mijarên destûra navxweyî ya Hevpeymaniyê, pejirandina logoya Hevpeymaniyê, xalên bingehîn ji bo birêvebirina kar û barên meydanî yên Hevpeymaniyê di qonaxa veguhêz de, dîplomasî û çawaniya xuya kirina Hevpeymaniyê li derveyî welat hatin nîqaşkirin. Biryar li ser logoya Hevpeymaniyê hate dayîn.

SEMBOLA MEDAN
Li ser logoyê hevpeymanê daxuyanî da û got, "Ev roja li ser logoyê ji gora kevirîn a li Qizqapana Silêmanî hatiye girtin.
Ev berhem li nêzî gundê Zerzî ya Silêmaniyê, li dora Çemê Razan hatiye girtin ku dîroka wê diçe heta Berî Zayînê bi 590 salî. Ev berhem wekî gora hikumdarê sêyem ê Împaratoriya Medan Hvakhshatra (Kyakser/Keyhusrev) tê qebûlkirin. Sedema çêkirina vê berhemê bîranîna aştiya di navbera Qralê Meda Kyakser û Qralê Lîdyayê Alyattes de ye. Piştî şerê ku pênc salan di navbera medan û lîdyayiyan de dom kir, di sala 580 a Berî Mîladê de hîv dikeve pêş rojê, dibe tarî, her du alî vê yekê wekî îşaretek qebûl dikin û dawî li şer tînin."