Diyarname
Fîlmê ku li ser jiyana lîstikvan Adile Naşît hatiye kişandin dawiya salê wê bê nîşandayîn. Niha roja vîzyona wê hat eşkere kirin: 5'ê berfanbara 2025'an.

Lîstikvan û pêşkêşvana televîzyonê Adile Naşîd roja 17'ê pûşpera 1930'yî li Stenbolê hatiye dinê. Ew ji aliyê dayikê ve rum e, hin dibêjin ew ermen in. 
Naşît di gelek lîstikên şanoyê û fîlmên sînemayê de lîst. Di fîlman de bi rola dayikê, şêwaza xwe ya taybet û bi kenê xwe dilê piraniya temaşevanên li Tirkiyeyê zeft kir. 
Roja 16'ê pûşpera 1966'an kurê wê Ahmet di 15 saliya xwe de dimire. Di dilê kurê wê de kun hebû, bi awayekî serketî emeliyet dikin lê paşê rewşa wî xirab dibe û dimire. Piştî vê yekê Naşît li ser zarokan di televîzyonê de bernameyan çêdike. Ji ber gelek jê tê hezkirin navê "xaltiya çîrokbêj" lê dikin.

Naşît, roja 11'ê berfanbara 1987'an di 57 saliya xwe de ji ber qansêra roviyê mir.

Adile Naşît di sala 1976'an de bi rola di fîlmê "İşte Hayat" de li Festîvala Porteqala Zêrîn a Antalyayê de Xelata Lîstikvana Herî Serketî girtibû.

"Hababam Sinifi", "Sut Kardeşler", "Şabanoglu Şaban", "Aile Şerefi", "Gulen Gozler", "Neşeli Gunler" hin fîlmên ku wê têde lîstine ne.

Niha jiyana wî di fîlmekî de wê derkeve pêşberî temaşevanan.

Derhêner Çagan Irmak bi navê "Adile" fîlm kişandiye. Fîlmê ku senaryoya wê Nermin Yildirim nivîsandiye li ser jiyana ratîn a Adile Naşît hatiye amadekirin.

Rola Adile Naşît lîstikvan Meltem Kaplan girtiye ser milên xwe. Her wiha Serhat Tutumluer, Berke Karabiyik, Ozgurcan Çevik, Bora Akkaş, Deniz Cengiz, Mehmet Avdan, Bulent Seyran, Tarik Unduz, Seda Bakan, Levent Can, Tulin Ozen, Elif Nur KerkU di fîlm de dilîzin.

Lîstikvan Meltem Kaplan ji bo kenê Adile Naşit bîne cih gelek li ser xebitiye.

Di fîlmê Çagan Irmak de Meltem Kaplan rola Adile Naşît dilîze.