Mehveş Evin

Fotografê ku Gerînendeyê weşanê yê Hurriyetê Enis Berberoglu li ser girê Şemzînanê kişand ji duh de ye li ser nîqaşek gur tê kirin.
Ji bo hinan naveroka wê çi be jî derxistina holê ya nîqaşê rojnamegeriyeke serketî ye. Ez wisa nafikirim.

Min fotografê "li çiyê bêhnvedana qehwevexwarinê" û "çavdêriyên Şemzînanê" ji gelek aliyan ve bi pirsgirêk dît. Vane sedemên wan:

1- Ji bo mirov bibêje "Ox, wan deran hê jî ême ye" sazkirina fotografeke wisa ne ecêb e? Wekî ku li Şemzînanê pevçûn nîn bin, her tişt xweş be, mirov namirin, hin cih ji bo sivîlan ne qedexe ye...

2- Di fotografê de bi giştî sê kulîlkên plastîkê di serlîstikvaniyê de ne. Berberoglu nivîsiye ku wan bi narînî ev vesazkirin kiriye. Lê nav li ser e vesazkirin, yanê ji rastiyê dûr. Eynî wekî kulîlkên ji plastîkê...

3- Digel kameraya fotografkişandinê ku daye ser çongê xwe û ipad'ê li ser masê, Enis beg ji rojnamegerekî wêdetir dişibe ciwanên (yan jî Abdullah Gul) ku li ku "dîmenek" bibînin disekinin û ji bo facebookê fotografê dikişînin.

4- Gerînendeyê weşanê yê Hurriyetê dibêje ku ji bo here "Derecik" û "Umurlu"yê destûr negirtiye, li hemberî vê xeyidiye, hêrs bûye, Welhasil, ji bo "xatirxwestineke xweş ji bo ŞemzÎnanê" girekê dibînin... Ev foto jî wekî delîlê "ev kar hê bi dawî nebûye" ji bo me tê pêşkêşkirin!

MA ZIMANÊ WAN NÎN E?
5- Enis beg eynî wekî nivîsiye, bi rastî jî "Li Şemzînanê bi tena serê xwe ye". Bi texmînî li Şemzînana ku 24 saetan lê maye çavdêriyên xwe nivîsiye lê esnafekî xaric têde gel nîn e... Berberoglu gotiye esnafî giliyên xwe aniye ziman lê nabêje çi gotiye. Berevajî vê, gotinên Tîmê Taybet, Qeymeqam û Midûrê Emniyetê nîvê nivîsê girtiye.

6- Ciwanek jî heye ku pozê "gumanber" (şikbar) pê daye kişandin. Ez bawerim zimanê ciwanên ku li ser rêya Şemzînan-Geverê alîkarî li birîndarên ji qezaya trafîkê kirine nîn e... Her wiha çi pêdivî pê heye ku mirov wêneyê wan wekî "gumanber" bikişîne heye?

7- Sê caran cih daye erebeya bi zirx a kobra. Enis beg ji dil dibêje "Şikir ji bo van rojan" ku di salên 90'an de jê xirabtir dîtiye. Lê ji bilî dîmena kulîlkên ji plastîkê tiştê em ji van fotografan hîn dibin, li Şemzînanê qet rewşeke Pollyanna'yî nîn e... 

HETA SERÊ SIBÊ DENGÊ TOPAN
8- Di bin pozê qehweyê yê li çiyê, hatiye nivîsin ku êvarê saet 7'an de kuçe vala dibin, dengê top û hawanan heta serê sibê tê. Ez bi ya we nizanim, lê di rewşeke wisa de ez bi dilxweşî û kêfxweşî nikarim qehweyê xwe vexwim!

9- Hurriyet di dema ku kiriye bersivê bide PKK'ê de ew bi xwe ketiye rewşa "şovkirin"ê. Em ji ser gir re li Şemzînanê binêrin û qehweyê xwe vexwin, li ser fotografê em Şemzînanê îşaret bikin; bi vî awayî em nikarin hîn bibin "li wir" çi diqewime û bi vî awayî em nikarin pirsgirêkan çareser bikin. Ma bi salan e xetaya ku em dikin ne ev bixwe ye?

mehves.evin@milliyet.com.tr

Milliyet, 03.08.2012

Werger: Cemil Oguz

Têbiniya werger: A rast çawa ew nivîs û fotoyê Enis Berberoglu min dît, min xwest li ser wê û çapemeniya tirkî gotarek lê bikim, lê dema min îro ev gotar xwend, min dest ji nivîsandinê berda û ev wergerand. Jixwe ev gotar bi têra xwe bersivê dide.