HELEBÇE

Derhêner Selahê Reş bi navê "Gûz" belgefîlmekî kişand û belgefîlm 27'ê mehê li Helebçeyê hat nîşandayîn. Belgefîlm bi her awayî gûzên Hewremanê tîne pêş temaşevanan.

Armanca belgefîlmî ew e ku bi her awayî gûzên Hewremanê marqe bike. Ji bo vê yekê belgefîlm hatiye kişandin. Divê li Teweleyê belgefîlm bihata nîşandayîn lê salon nedîtin, loma li Helebçeyê nîşan dan. 

Di dema nîşandayînê de beşek ji Rêveberiya Gıştî ya Rewşenbîrî û Hunerê ya Helebceyê û gelek kesên ji beşên cuda ya civakê amade bûn..

Derhênerê belgefîlmî Selahê Reş derbarê mijarê de ji bo Rojnewsê wisa got: “Piştî du salên vê xebatê, ez kêfxweş im ku îro belgefîlmê Gûz li Helebceyê tê nîşandan. Fîlm ji çandinê heta bazarkirina gûzan di her çar werzên salê de hatiye kişandin. Me fîlm bi armanca markakirina gûzên Hewramanê çêkiriye. Divabû fîlm li Tewelayê bihata nîşandan, lê tevî hemû dahata ku hikumet ji Tewelayê distîne jî, salonek nîn e ku 20 kes lê rûnin û li fîlmî temaşe bikin.”