Diyarname
Festîvala Fîlman ay Stenbolî emsar 43'inan rey yena viraştişî. Festîvale fîlmê ke Festîvala Fîlman ay Berlînî Berlînale de xelatî girotê ana Stenbol.
Festîvala Fîlman ay Stenbolî hetê Weqfa Çand û Hunerî ay Stenbolî (ÎKSV) ve ra yena viraştişî. Festîvale emsar miyanê rocanê 17-28'ê nisanî de virazêna. Festîvale perçe perçe çalakiyanê ke go virazo eşkera kena. Enka zî henî fîlmê ke Berlinale ra got biyaro Stenbolê eşkera kerdî.
Berlinale emsar aşmey sibatî de rey 74'inan viraziya. Fîlmê derhêner Hong Sang-soo ê bi namey "Traveler’s Needs" festîvale de Xelata Heşa Zîvîne girot. Fîlmê "The Empire" xelata Taybet ay Jurî girote. Fîlmê "Pepe" Xelata Derhênero Serkewte girote. Enî fîlmî û henî fîlmê bînî ke Berlinale de hamey motrayişî go veciyê vernî temaşekerdoxane Stenbolê.
Ê fîlmê ke Berlinale ra ardê enî yê:
- A Traveller’s Needs / Derhêner Hong Sang-soo - L’Empire / The Empire / Derhêner Bruno Dumont
- Pepe / Derhêner Nelson Carlos De Los Santos Arias
- My Favourite Cake / Derhêner Maryam Moghaddam, Behtash Sanaeeha
- Hors du Temps / Suspended Time / Derhêner Olivier Assayas
- Black Tea / Derhêner Abderrahmane Sissako
- Gloria! / Derhêner Margherita Vicario
- Seven Veils / Derhêner Atom Egoyan
***
Nûçeyên Eleqedar:
- Jurî Pêşbazî ay Neteweyî eşkera bî
- Juriya Xelata Seyfî Teoman diyar bû
- Jurî Pêşbazî Belgefîlman hamî eşkerakerdin
.jpg)
