Diyarname
Ji bo Lîga Şampiyonan A UEFA’yê ya serdema 2022-2023’yan li Stenbolê li Navenda Kongreyê ya Halîçê pişke hatin kişandin û kom diyar bûn.
Koma herî dijwar wekî Koma C hat diyar kirin ji ber ku tîmên mezin ên wekî Bayer Munih, Barselona, Inter û Viktoria Pizen di vê komê de cih girtin.
REWŞA KOMAN
Di encama pişkeyê de rewş bi vî rengî çêbû:
- Koma A: Ajax (Hollanda), Liverpool (Îngilistan), Napoli (Îtalya), Rangers (Skoçya)
- Koma B: Porto (Portekîz), Atletico Madrid (Spanya), Bayer Leverkusen (Almanya), Club Brugge (Belçîka)
- Koma C: Bayern Munih (Almanya), Barcelona (Spanya), Inter (Îtalya), Viktoria Plzen (Çekya)
- Koma D: Eintracht Frankfurt (Almanya), Tottenham (Îngilistan), Sporting Lizbon (Portekîz), Olimpik Marsilya (Fransa)
- Koma E: Milan (Îtalya), Chelsea (Îngilistan), Salzburg (Avusturya), Dinamo Zagreb (Hirvatistan)
- Koma F Grubu: Real Madrid (Spanya), Leipzig (Almanya), Shakhtar Donetsk (Ukrayna), Celtic (Skoçya)
- Koma G: Manchester City (Îngilistan), Sevilla (Spanya), Borussia Dortmund (Almanya), Kopenhag (Danîmarka)
- Koma H: Paris Saint-Germain (Fransa), Juventus (Îtalya), Benfica (Portekîz), Maccabi Haifa (Îsraîl)
YEKEMÎN Û DUYEMÎN RÊYA XWE DIDOMÎNIN
Di maçên koman de tîmên bibin yekemîn û duyemîn dê derbasî Dora 16’an bibin. Yên di rêza sêyemîn de cih bigirin dê dakevin Lîga Ewropayê ya UEFA’yê û tîma çaremîn dê vegere mala xwe.
Di Dora 16’an de du maç bi rêbaza hevtêkbirinê dê çêbe û tîma bi ser bikeve dê derbasî çarîk fînalê bibe.
FÎNAL LI STENBOLÊ YE
Fînala maça Lîga Şampiyonan a 2022-2023’yan dê li Stada Olimpiyat a Ataturk a li Stenbolê bê lîstin.
DÎROKA LÎSTINÊ
Şampiyonlar Ligi'nde maç tarihleri şu şekilde:
- Maçên Koman ên 1’emînı: 6-7 Rezber
- Maçên Koman ên 2’yemîn: 13-14 Rezber
- Maçên Koman ên 3’yemîn : 4-5 Kewçêr
- Maçên Koman ên 4’emîn: 11-12 Kewçêr
- Maçên Koman ên 5”emîn: 25-26 kewçêr
- Maçên Koman ên 6’emînı: 1-2 Sermawez
- Maçên Dora 16’an ên yekemîn: 14-15 reşemî û 21-22 Reşemî 2023
- Maçên Dora 16’an ên duyemîn 7-8 adar û 14-15 adar 2023
- Maçên Çarîk Fînalê ên yekemîn: 11-12 avrêl 2023
- Maçên Çarîk Fînalê ên duyemîn: 18-19 avrêl 2023
- Maçên Nîv Fînalê yên Yekemîn: 9-10 gulan 2023
- Maçên Nîv Fînalê yên Duyemîn: 16-17 gulan 2023
- Maça Fînalê: 10 pûşper 2023
SERKETIYÊN SALÊ
Di dema pişkeyê de serketiyên par jî hatin xelatkirin. Teknîk dîrektorê efsanewî yê îtalyan Arrigo Sacchi bi Xelata Taybet a Salê ya UEFA’yê hat xelat kirin.
Di warê fûtbola jinan de lîstikvana Barselonayê Alekisa Putellas bi ser ket. Teknîk dîrektora tîma neteweyî ya Îngilistanê Sarina Wigegman ji ber tîma xwe kir şampiyonê Ewropayê wekî teknîk dîrektora herî serketî hat hilbijartin.
Di warê fûtbola mêran de jî Teknîk Dîrektorê Real Madridê Carlo Ancelotti ku par tîm kiribû Şampiyonê Lîga Şampiyonan wekî Teknîk Dîrektorê Salê hat hilbijartin. Lîstikvanê heman tîmê Karim Benzema jî wekî Lîstikvanê Herî Serketî yê Salê hat hilbijartin.