Diyarname

Amed Sporê ji bo serdema 2022-2023’yan dest bi belavkirina qertên kombîne kirine. Buhayê wan wekî 500 TL, 1500 TL û 5000 TL hatine diyarkirin.

Di tîmên fûtbolêde bilêtên kombîne ji bo salekê ne û ji bo alîkariya tîman jî xaleke girîng a aboriyê ye. Amed Sporê jî wekî tîmên din bilêtên xwe yên kombîne amade kirin. Ji bo vê sê qert hatine amadekirin. Yên yek ji van qertan bikirin dê bikaribin salewexet di maçên Amed Sporê yên li sehaya xwe de herin li maçan temaşe bikin.

Ji van qertan, qertên aliyê Trîbuna Maratonê bi 500 TL, qertên Trîbuna Rojava bi 1500 TL û V”İP Qert jî bi 5000 TL’yî têne firotin.

Klûba  Amed Sporê bi peyameke rewşa qertan belav kir û got, “Em bang li we dikin ku hûn qertên kombîne bistînin û xwedî li Amed Sporê derkevin. Bi piştgiriya we ya xurt û li ber trîbunên tije bûne û ligel we em hêvî dikin emê bigihîjin serketinan. Dor dora te ye. Emê bi hev re bi ser bikevin.”