Diyarname
Abdurrahman Gok rojnamegerekî kurd e. Di dema şerê Kobanî de wî jî wekî hemû rojnamegeran şerê wê derê ji nêz ve şopand. Ji wê demê gelek dîmen di destên wî de kom bûn niha wî ew dîmen wekî vîdyoyek saz kirin û belav kirin.
Gok wisa dibêje, "Di 2014’yan de min û hevalê xwe Ersîn Çaksû bi hev re şerê Kobanî dişopand. Piştre di 2017’yan de careke din riya min bi wî bajarî ket. Di 2014'yan de û di 2017'yan de bê min çi dît û çi hîs kir min nivîsî û bi deng û dîmen vîdeoyek amade kir û bi we re parve dikim."
Ev parvekirina ku wî navê "Kobanî: Ne fîlm e ne belgefîlm e" lê kiriye niha li ser kanala wî ya Youtube ye û yên bixwazin dikarin lê temaşe bikin. Her wiha ji bo temaşekirina vîdyoyên wî yên din û ji bo yên ku nû dê bêne parvekirin yên bixwazin dikarin bibin aboneyên kanalê.