Diyarname
Vîrusê koronayê Covid-19 ke dinya girota bin bandorê xo û semedê ay çalakî yenê betalkerdişî festîvalêke bîne hamî betalkerdişî. Festîvalê vazdayişê gayan a bi namey "Festîvaley San Fermin" jî hamî betalkerdişî.
Bajarê Pamplona ya Spanya de serey 1939'an û nata rey yewînan a ke Festîvaley San Fermîn yena betalkerdişî. Di miyanê seranê 1936-39'inan de semedê Şerê Miyanê Welatî hamîbî betalkerdişî la a weşt ra nat her sere festîvale hameyne viraştişî. Emsar jî sedemê vîrusî hamî betalkerdişî.
Di festîvale de însanê ke laçika sûre ro milê xo girê dayê kuçe de vaz danê û gay spanî jî danê dimay înan; hendî ro kamî qelebiyay. Dîrokey ene festîvale heta se serey 14'inan şina.
Festîvale hamî qedexerderkişî la merdiman reyna cilê spêy day xo ra, laçika sûre eyşt verê milanê xo û kewtî kuçeyan. La polîsan nêverda cayke şahî viraziyo û tevdîr girot.
Berpirsa Tûrîzm û Bazirganî ê Bajarê Pamplona Silvia Azpilicueta qeybî Euronewsî xeber da û vat ke semedê betalkerdişê festîvalî bajarê înan 100 mîlyon Euro zerar kerdo.
Heto bîn de, merdinê ke heqê heywanan parêznenê wazenê bi temamî festîvale bêro betalkerdişî. Ê vanê ke ene festîvale eziyet ro heywanan kena.