DiyarName.Com

Mesrûr Barzanî bû Serokwezîrê Herêma Kurdistanê

Îro di civîna Parlemena Herêma Kurdistana Federal de dengdan ji bo kabineyê û serokwezîriyê hat lidar xistin. Li ser nav

Dîrok: 10/07/2019

Beş: Nûçe

Diyarname

Îro di civîna Parlemena Herêma Kurdistana Federal de dengdan ji bo kabineyê û serokwezîriyê hat lidar xistin. Li ser navê PDK'ê Mesrûr Barzanî ji bo Serokwezîrî hatibû pêşniyar kirin û di dengdanê de Barzanî bi 88 dengên mebûsan ji bo Serokwezîriya Herêma Kurdistana Federal hat hilbijartin. Ji bo Cîgiriya Serokwezîr jî berendamê YNK'ê Qubad Talebanî hat hilbijartin. Talebanî bi 73 dengên mebûsan hat hilbijartin.

Mesrûr Barzanî kî ye?

Navê wî yê dirêj Mesrûr Mesûd Mistefa Barzanî ye û di 2'yê adara 1969'an de li gundê Dîlman a girêdayî Balekayetî hatiye dinê. Barzanî Li Washingtona DYA'yê Zanistên Siyasî xwendiye.

Di sala 1999'an, di 12'emîn Kongreya PDK'ê de ji bo Endamtiya Serkirdetiya PDK'ê hatiye hilbijartin û di heman demê de endamtiya Polîtburoya PDK'ê kiriye û ev karê wî ji wê demê de dom kiriye.

Mesrûr Barzanî di 8'ê tîrmeha 2012'yan de bûye Şêwirmendê Encumena Asayîşa Herêma Kurdistanê û îro, yanê roja 10'ê tîrmeha 2019'an ji bo Serokatiya Herêma Kurdistana Federal hat hilbijartin. Barzanî zewicî ye û bavê sê zarokan e.

Ev kes ji bo wezîrî hatin hilbijatin
Di civînê de wezîrên hatibûn peywirdarkirin jî sond xwarin û dest bi kar kirin.

Kesên ku di wezaretê de peywir girtin ev in:

F- erset Ehmed: Wezîrê Dadê

- Rêber Ehmed Xalid: Wezîrê Navxweyî

- Awat Cenav Nûrî Salig: Wezîrê Darayî û Aborî

- Saman Husên Mihemed: Wezîrê Tendirustiyê

- Alan Heme Seîd: Wezîrê Perwerdehiyê

- Dana Ebdulkerîm Heme Salih: Wezîrê Avedankirin û Nîştecihkirinê

- Sasan Ewnî: Wezîrê Şarevanî û Geştûguzarê

- Aram Mihemed Qadir Emîn: Wezîrê Xwendina Bilind û Lêkolînên Zanistî

- Dr. Dara Reşîd: Wezîrê Plandanînê

- Kuyistan Mihemed Ebdullah Meirûf: Wezîra Kar û Karûbarên Civakî