Diyarname
20.00
- Rêjeya beşdariya hilbijartina Herêma Kurdistanê diyar bû. Ji bajarên mezin li Hewlêrê rêje gihîşt sedî 58,57, li navenda Duhokê gihîşt sedî 60, li Zaxo sedî 62,7, li Silêmanî sedî 43, li Helebçeyê wekî sedî 60 derket.
18.00
Hilbijartina Giştî ya Herêma Kurdistanê saet 18'an de bi dawî bû. Hê nehatiye ragihandin hejmara beşdariya dengdêran sedî çend e lê di saet 15.00'an de hatibû ragihandin ku hê beşdarî li Hewlêrê sedî 35, Duhokê sedî 41 û Helebçeyê sedî 39 e.
- Li gor agahiyên ku hatin 46 rêxistinên navxweyî û 30 rêxistinên navneteweyî çavdêriya hilbijartinê dikirin.
Pîre: Em encaman qebûl nakin
- Berdevkê Yekîtiya Nîştimanî ya Kurdistanê (YNK) Seidî Ehmed Pîre ber êvarkî ji bo rojnamegeran ragihand ku ji ber sextekarî û derzagoniyên hatine kirin, ewê encamên hilbijartina Parlementoya Kurdistanê qebûl nekin.
Berevanî Pîre, Cîgirê Serokwezîrê Herêma Kurdistanê Qubad Talebanî got ku encam çi dibe bila bibe hêvî dikin hemû alî bi bersiyarî tevbigerin. Her wiha got ku ger gazin û pirgirêk hebin rêyên sayayî hene.
- Nava rojê hat ragihandin ku li Koyê ya Silêmanî sextekarî hatiye kirin. PDK, Goran, Yekgirtî û Komelê got ew hilbijartina li Koyê red dikin.
08.00
Hilbijartina Giştî ya Herêma Kurdistanê vê sibê saet 08'an de dest pê kir û êvarê saet 18'an de dê bi dawî bibe..
Li Başûr hejmara kesên dê deng bidin 2 mîlyon û 914 hezar û 992 kes e. Li sê bajarên sereke hejmara hilbijêran bi vî rengî ye:
Li Hewlêrê mîlyonek û 36 hezar û 419 hilbijêr hene.
Li Silêmanî mîlyonek û 134 hezar û 760 hilbijêr hene.
Li Duhokê 677 hezar û 797 hilbijêr hene
Herî dawî di sala 2013'yan de hilbijartin li dar ketibû. Di wê hilbijartinê de PDK'ê 743 hezar û 984 deng girtibûn, beramberê wê 38 kursî bi dest xistibûn. Goran bi girtina 476 hezar û 736 dengan bûbû duyemîn û 24 kursî girtibûn. YNK'ê jî 350 hezar û 500 deng girtibûn û bûbû sêyem. YNK'ê 18 kursî girtibûn. Piştî van Yekgirtû 10 kursî (186 hezar û 751 deng) û Komelê 6 kursî (118 hezar û 574 hezar deng) bi dest xistibûn.
Heta niha li Başûr 4 caran hilbijartin çêbû. Pêşî di sala 1992'yan de, piştî wê bi 13 salan di sala 2005'an de û biryar da bûn ku êdî çar salan carek hilbijartin çêbibe. Di sala 2009'an de çêbû û paşê di sala 2013'yan de. Biryar ku par hilbijartin çêbe lê ji bo îsal bi paş ve hatibû xistin.