Diyarname
Serokdewletê Dewletên Yekbûyî yên Amerîkayê (DYA) racgihand ku ew bajarê Qudsê wekî paytexta Îsraîlê qebûl dikin û pêvajoya balyozxaneya DYA'yê ji Tel Avîvê bar bikin Qudsê didin dest pê kirin.
Serokdewletê DYA'yê Trump wisa got: "DYA li Rojhilata Navîn ji kokê ve bi pêvajoya aştiyê re girêdayî ye. Piştî 20 salan mirov nikare qal bike ku di navbera Îsraîl û Filistînê de aştiya dom dike heye. Ez dibêjim êdî dem hatiye. Dem hatiye ku em Qudsê wekî paytexta Îsraîlê qebûl bikin. Gelek saziyên hikumeta Îsraîlê li vî bajarî ne. Bi biryara ku îro me da em Qursê wekî paytexta Îsraîlê qebûl dikin. Ez fermanê didim ku balyoçxaneya me bar bikin Qursê."
Trump got ku ew bang li rêberên herêmê dike ku ji bo aştiyê beşdarî wan bibin.
Îsraîl: Em sipasdar in
Wezîrê Îsraîlê Naftali Bennet piştî biryarê sipasiya Trump kir û got: "Sipas Serok Trump. Îro ji bo gelê cuhê rojek ronahî ye."
Serokwezîrî Îsraîlê Benyamin Netanyahu jî biryar wekî werçerxek dîrokî bi nav kir û xwest welatên din jî wekî DYA'yê balyozxaneyên xwe bibin Qudsê.

Tirkiyeyê xwest biryar bi paş ve bê kişandin
Wezîrê Karên Derve yê Tirkiyeyê Mevlut Çavuşoglu piştî biryarê got ku ev biryarek bêberpirsiyarî ye, sedema metirsiyeyê û em şermezar dikin. Çavuşoglu wisa got: "Em bang dikin ku rêveberiya DYA'yê vê biryara şaş carek din binirxînin û gavên bêhesab neyên avêtin."