Diyarname

Lîgên fûtbolê yên profesyonel ên Tirkiyeyê yên 2'yemîn û 3'yemîn îro dest pê kirin. Amed Spor ku di Lîga 2'yemîn de ye di maça xwe ya yekemîn de li Erzeromê li hemberî Erzeromê bi 2-1 bi ser ket.

Amed Spor di Lîga 2'yemîn Koma Spî de dilîze di maça xwe ya yekemîn de li Erzeromê bû. Erzerom Spor ku ji Lîga 3'yemîn bûbû şampiyon û hatibû îsal gelek hewl dabû xwe û hedefa wan şampiyoniyek din bû. Amed Spor ku par rastî gelek neheqiyan hat, ji ber vê nekarî derbasî lîgek jorîn bibe îsal dîsa bi parolaya şampiyoniyê dest bi lîgê kir. Maça yekemîn li Erzeromê bû. Maça ku di saet 19'an de dest pê kir, bi 2-1 bi serketina Amed Sporê bi dawî bû.

Di deqîqeya 45'an de Amed Spor bi gola Şeyhmus Ozer bi 1-0 bi dawî bû û nîveka yekemîn wisa bi dawî bû. Di deqîqeya 54'an de Erzeromê bi Engin Baytar bersiv da: 1-1.

Lê Amed Sporê dest bi maçê berneda û di deqîqeya 60'î de Deniz Nakî golek super avêt û Amed Spor bi 2-1 bi ser ket, 3 pûanên xwe yên pêşî girt.

Amed Spor hefteya pêşiya me (11'ê mehê) li mala xwe wê Konya Anadolu Selçukspor bike mêvanê xwe.