Diyarname
DTP'ê li ser êrîşa navenda wan a giştî daxuyaniyeke da û got: Emê di her platformê de bi kurdî biaxivin.

Piştî ku Hevserokê DTP'ê Ahmet Turk di civîna Koma Wan a Meclisê de bi kurdî xeber de û hin reaksiyon hatin nîşandayîn, duh jî komeke ji faşîstan êrîşê Navenda Giştî ya DTP'ê kir. Li ser vê êrîşê DTP'ê îro daxuyaniyeke bi nivîskî weşand. DTP'ê li ser êrîşê da zanîn ku ew kom gelê tirk temsîl nakin û îxaneta rastîn ew e ku yên ku li hemberî kurdî tehamulê nakin.
DTP'ê wisa got: "Li meclisê berê rayedarên Îsraîl û DYA'yê (Dewletên Yekbûyî yên Amerîkayê) bi zimanê xwe axivî ne. Yên ku ji bo zimanê welatên din li meclisê li çepikan didin, ji zimanê kurdî ku zimanê bi mîlyonan mirovên ku li vî welatî dijîn e aciz dibin. Ev tiştek şermê ye. Îxaneta rastîn ew e ku yên pir zimanî, pir çandî ya vî welatî wekî tehdîd dibînin dikin; red û înkarê dikin û aştiya civakî xira dikin in."
DTP'ê bi van gotinan dawî li daxuyaniya xwe anî: "Em wekî DTP dixwazin zordariya li ser zimanê 20 mîlyon kurdî ji holê rabe, qedexeyên li ber perwerdehiya bi zimanê zikmakî û weşanê ku ev mafeke xwezayî ye bê rakirin û ziman bikeve bin ewlehiya Zagona Bingehîn. Ji bo ev yek pêk bê emê têkoşîna xwe ya demokratîk bidomînin û li her platformê bi kurdî biaxivin."