Diyarname

Komek bi navê Koma Aştiyê ku di nav de Oya Baydar, Baskin Oran, Ayşe Erzan, Nesrin Nas, Raci Bilici, Selim Olçer, Nurcan Baysal, Mebuse Tekay, Gulseren Onanç, Ali Bayramoglu, Kezban Hatemi, Ahmet Faruk Unsal û Tarık Çelenk hebûn çûn Meclisê. Kom pêşî bi Hevserokê HDP'ê Selahattin Demirtaş re hatin ba hev.

Demirtaş piştî hevdîtinê li gel komê ji bo çapemenî axivî û got ku wan ligel desthilatdarî mixabin têkiliyeke rast saz nekirye, ji bo şîdet ji holê rabe bê pêşmercek ew amade ne hevdîtinê bikin. Demirtaş wisa dom kir: "Hikumet ne cihek ku têkiliya me ya jêr-jor ya bi ferman hebe. Aştiyek ku edalet, wekhevî û azadiyê di nava xwe de nehebîne ew nabe aştiya rastîn. Me gelek êş kişand, ji hedê zêdetir me êş kişand. Serokwezîr dibe ji civanê reviya be, civan betal kiribe lê nikare civana lige azraîl kengê dibe bila bibe betal bike. Em ne mevbûr in ji hev hez bikin lê em mecbûr in hurmetê nîşanî hev bidin."

Li ser navê komê Oya Baydar axivî û got ku divê operasyon rawestin, tilî ji têtikan bi paş ve bêne kişandin, em hevalên hatine ba hev em ji fikrên cuda tên lê armanca wan a bingehîn ew e ku leşker, polîs, sivîl û gerîla nemirin. Baydar got "Ya muhîm jiyan e" û nivîsek li ser "Ya muhîm jiyan e" nivîsî diyarî Demîrtaş kir.

Kom çû cem Serokwezîr

Dûre Koma Aştiyê çû serdana Serokwezîrê Tirkiyeyê Ahmet Davutoglu. Heyet bi qaşî saetek û 45 deqîqe ligel Davutoglu rûnişt lê çapemenî negirtin civînê û piştî civînê jî tu daxuyanî nedan.