Mem Mîrxan

 
Bi salan e gelê me genim dajo.
Bi hemû keda xwe.
Eşêf dike, gubre dike, hewce dike bi xwîna xwe av dide.
Û di bênderekê genimê xwe dide ser hev.
Ku mirov hilbijartinê û bênderê bide ber hev;
Hilbijartin, dema li bakirina bênderê ye.
Weke hûn jî dibînin, weleh cihê bêndera   me gelek xweş e, das û bêjinga me, serad û   milêba me jî heye.
Li her bajarekî li benda cotkarekî baş e.
Ku karibe vê bênderê li ba bike.
Lê a herî girîng baye.
Min got cihê bêndera me gelek baş e.
Lê yekcaran bi rojan ba nalive, mirov li ber  bênderê pêrîşan dibe, divê sebir bike.
Yekcaran jî dibe bahoz, dibe tofan, talîzokek   radibe hem genim,  hem jî mirov dide ber xwe û  bi xwe re dibe, divê mirov li ber xwe bide.
Li vir hostatiya cotkariyê lazim e.
Divê mirov pir bi baldarî bêndera xwe   li ba bike.
Ku ne wisa be îhtimal heye ku hemû  “keda me li ber bê biçe” û şûna bênderê de  efare bimîne. A ku kêfa me tîne AKP jî ne cotkar e.
Lê AKP bi awayekî karê xwe jî dimeşîne.
Mînak: Dikarin salekê genim nexwin, di şûna genim de maqarneyê belav bikin.
Heta dikarin bêndera xwe bi komirê li ba bikin.
Ji me hîn tu kes nizane çawa bênder bi komirê tê libakirin.
Eyb e mirov bêje di dema xwe de ez jî cotkarekî baş bûm.
Mu biliviyana min bêndera xwe li ba dikir.
Ji xetek û nîvê deh teneke genim radikir.
Lê rastiyeke din jî heye: “Cotkarê her kesî bi wî baştir tê.”
Bila qeda li felekê keve.
Ev bû du car e agir bi bêndera min dikeve.
Ku agir bi bêndera min neketa û keda hemû salan berhewa neçûya,  me yê cotkarê baş çawa ye nîşanî gelê xwe bidaya….
Lê rehet bin, hevalên ku partiyê niha milêv dane destê wan jî cotkar in, hemû dirbên cotkaran lê hene.
Çavê gel li rê ye ku vê bênderê bi serfirazî safi bikin.
Em bi kêfxweşî milêv û bêjinga xwe didin   hevalên hatine bijartin.
Bila kerem bikin.
Wa ye ba jî tê,
Gelê me li benda pariyekî nanê germ e.

Ji Azadiya Welat hatiye girtin