Diyarname
Lîstikvanê navdar Cristiano Ronaldo ji aliyê FIFA'yê ve wekî lîstikvanê salê hat hilbjartin.
 
Yekîtîya Federasyona Futbolê ya Navneteweyî (FIFA) bi rêya kaptanên tîmên neteweyî û teknîk dîrektorên wan lîstikvanê salê hilbjart. Ji nav lîstikvanan lîstikvanê Manchester United Cristiano Ronaldo 935 deng girt û wekî "Lîstikvanê Futbolê yê Salê yê 2008'an" hat hilbjartin.

Merasima xelatdayînê li Zuriha Swîsreyê li dar ket. Ronaldo ku par ji aliyê FIFPro ve jî "Lîztikvanê salê" hatibû hilbijartin, di heman demê de xelata kevneşopî ya Fransayê "Gogo Zêrîn" (Ballan d'or) jî girtibû, di merasimê de xelata xwe ji destê Pelle girt.

Lîstikvanê 23 salê par li ser navê tîma xwe li maçên lîgê, lîga şampiyonanan de 42 gol avêtibû.

Cristiano Ronaldo di merasimê de wisa got: "Ev gelek kêfxweş im. Ev deqîqeyên ez têde kêliyên herî xweş ên jiyana min in."

Di dengdayînê de piştî Ronaldo lîstikvanê Barselonayê Messi bi 678 dengî bûbû duyemîn û forvetê Liverpoolê Fernando Torres jî bi 203 dengan bûbû sêyemîn.

Di beşa jinan de jî lîstikvana futbolê ya Brezîlyayî Marta jî xelat girt û bû sê caran ser hev de wekî lîstikvana salê tê hilbijartin.

Xelatên ku Ronaldo girtine:
- Xelata Lîstikvanê Salê yê UEFA'yê.
- Lîstikvanê Herî Serketî yê Dinyayê xelata FIFPro.
- Xelata Pêlava Zêrîn a Ewropayê.
- Xelata Goga Zêrîn.
- Xelata Lîstikvanê Salê ya FIFA'yê.