Diyarname
Ji bo Kûpaya Cîhanê ya 2018'an pişke hat kişandin. Tîmên ku ketin nav komên cuda ji bo herin tûrnûvaya Kûpaya Cîhanê ya 2018'an dê bi hev re bilîzin û tîmên yekemîn raste rast, 8 tîmên 2'yemîn ên herî serketî jî dê bi hev re play offê bilîzin.
Pişke li Qesra Konstantin a St. Petersburga Rusyayê hat kişandin ku Rusya ji bo vê kûpayê dê mazûvanî bike. Di dema kişandina pişkeyê de Serokdewletê Rusyayê Viladimir Putin û Serokê FIFA'yê Sepp Blatter jî amade bû. Demek berê der barê Blatter de lêpirsîna karên nelirê hatibû kirin û wê çaxê Putin piştgirî dabû wî. Di dema pişkeyê de Putin axaftinek kir, Blatter jî li cem Putin bû.
Tirkiye di Koma I de wê bi tîmên Hirvatistan, Îzlanda, Ukrayna û Finlandiya re bilîze.
Vane komên Ewropa yên ji bo Kûpaya Cîhanê ya FIFA'yê ya 2018'an:
- Koma A: Belarus, Hollanda, Fransa, Swêd, Bulgaristan, Luksemburg
- Koma B: Giravên Faroe, Portekîz, Swîsre, Macaristan, Andorra, Letonya.
- Koma C: Almanya, Komara Çek, Norweç, Azerbaycan, îrlandaya Bakur, San Marino
- Koma D: Galler, Avusturya, Sirbistan, Komara îrlanca, Gurcistan, Moldova
- Koma E: Romanya, Danîmarka, Polonya, Kazakistan, Ermenistan, Karadax
- Koma F: Îngilistan, Slovakya, Slovenya, Skoçya, Malta, Litvanya
- Koma G: Spanya, Îtalya, Liechtenstein, Makedonya, îsraîl, Arnavutluk
- Koma H: Belçika, Bosna Hersek, Yewnanistan, Başûrê Qibrisê, Estonya
- Koma I : Tirkiye, Hirvatistan, Îzlanda, Ukrayna, Finlandiya
Maçên pêşî yên hevtêkbirinê di 4-6'ê rezbera 2016'an de dê li dar bikevin. Maçên dawîn yên koma dê 8-10'ê kewçêra 2017'an de li dar bikevin û tîmên derbasî Kûpaya Cîhanê ya 2018'an bibin diyar bibin. Maçên Play Offê jî wê di navbera 9-11 sermawez 2017 û 12-14 sermawez 2017 bêne lîstin.