Amed

Komxebata Polîtîkayên Ziman û Perwerdeyê ku bi piştgiriya Şaredariya Bajarê Mezin a Amedê, ji aliyê Kongreya Civaka Demokratîk (KCD) ve tê lidarxistin, roja 25'ê mehê li Salona Resepsiyonê ya Jîngeha Sumerparkê dest pê kir. Komxebat dê du rojan bidome û dibistanên azad bêne nîqaşkirin.

Şêwrimendê Hevşaredarên Bajarê Mezin Şerîf Derînce, Parlamentera HDP'ê ya Qersê Mulkiye Bîrtane, nûnerên Weqfa Mezopotamyayê, Egîtîm-Sen, Kurdî-Der, Maper, Komîsyona Ziman a KCDê, HDP û rayedarên Rojavayî beşdarî komxebatê bûn.

Axaftina destpêkê ya komxebatê mebûs Bîrtane kir. Bîrtane got ku  ev xebat yek ji xebatên hilbijartinê ye û got, “heke ew di hilbijartinê de bi ser bikevin, ew ê li parlamentoyê doza zimanê dayikê bikin.” 

Piştî Bîrtane ji Akademiya Siyasetê ya DBP'ê Haşim Îzol axivî û got, “Zimanê me di warê perwerdeyê de dişibe darekî ziwa, divê em vê darê av bidin.”

Şerîf Derînce jî  li ser xebatên ziman ên Şaredariya Bajarê Mezin a Amedê sekinî.

Piştî temambûna kombexatê dê encamnameyeke bê pêşkêş kirin.