STENBOL
Komek rojnameger û piştgirên rojnameya Ozgur Gundemê ji bo mehek cezadayîna rojnameyê şermezar bikin li Kolana Îstîklala Taksima Stenbolê meşiyan.

14'emîn Dadgeha Cezayê Giran a Stenbolê duh mehek cezayê girtinê li rojnameya Ozgur Gundemê birî. Ji bo şermezarkirina vê biryarê endamên çapemeniya azad û komek piştgirên çapemeniya azad meşiya. Hevseroka BDP'ê Gultan Kişanak, Parlementera BDP'ê ya Stenbolê Sebahat Tuncel, Hevseroka BDP'a Stenbolê Asiye Koçak û nûnerê platfoma hevkariya bi rojnamevanên girtî re Necatî Abay jî di nav de bi sedan kesên li rawestgeha Tramvaya Taksîmê civiyan pankarta li ser; "Kes nikare çapemeniya azad bêdeng bike" nivîsandî vekirin û dirûşmeya; "Ozgur Gundem rûmeta me ye" berz kirin.

Girsê piştî meşa li ber lîseya Galatasarayê bidawî bûyî daxuyanî da û girtina rojnamê şermezar kir.

Hevseroka BDP'ê Kişanak biryar wekî sansur nirxand û wiha axivî: "Wekî hinceta girtinê teyîsandina axaftinên me yên di civîna Kongreya Civaka Demokratîk de nîşan didin. Ji ber ku axaftinên me wekî manşeta rojnameyê hat dayîn dibêjin we propagandaya rêxistinê kiriye. Ozgur Gundem dengê dorhêlên muxalîf e. Dixwazin vî dengî bibirin. Di demên ku dengê çapemeniyê dibirin de komkujî pêk tên."

***

Nûçeya eleqedar:

- Mehek din cezayê girtinê dan rojnameya Ozgur Gundemê