Batman
Endamên Teşebusa Jiyandina Hêskîfê ya Êlihê û Şaredarê Batmanê li Heskîfê hatin ba hev û daxuyaniyeke dan çapemeniyê.
Şaredarê Batmanê yê DTP'yî Nejdet Atalay û nûnerên saziyên sivîl jî têde gelek kes beşdarî daxuyaniya Têşebusa Jiyandina Hêskîfê ya ku li Heskîfê da bû.
Endamên Teşebûsê, li ser Çemê Dîcleyê pankartên, "Dîcle Heskîfê nefetisîne", "Efendîno dest nedin Heskîfê", "Haskîfê ji cihê wê na, wê bibin pêşerojê" vekirin.
Li ser navê komê, Sekretera Teşebûsa Jiyandina Hêfkîfê Îpek Taşlî, daxuyanî xwend. Taşli, destnîşan kir ku Heskîf ji bo pêşerojê mîrateya herî kevnare û dewlemend e. Taşli wiha got: "Ji bo pêşerojê mîrateya herî mezin bajarê kevnar Heskîf e, parastin û gîhandina wê ya pêşerojê peywira me ye; em îro ji bo çalakiyek cûda li vir in."
Taşli got ku projeya Benda Ilisuyê ji ber ku dê Heskîfê têk bibe ew li hemberî çêkirina wê dertên û wiha berdewam kir: "Em carek din jî ji bo çêkirina bendê dibêjin na û li nava ava Dîcleyê em dê bêjin, 'Efendîno dest nedin Heskîfê!"
Taşli diyar kir ku bi 10 hazar salan e dîrok û xweza li vir di nav ahengekê de diherike û wiha domand: "Dixwazin Dîcle bikin kujerê birayê xwe yê biçûk. Têvî ku jiyandina Heskîf û ya Geliyê Dîcleyê peywira sereke ya dewletê ye jî dewlet berovajî vê yekê dike. Em kesên ku hewl didin vê peywirê bi cîh bînin di serî de Tirkiyeyê û welatên Ewropî ku hewl didin alîkariyê bidin çêkiran Benda Ilisuyê em hişyar dikin ku dê bibin hevparê vî sucî. Em wekî dostên Heskîfê yên pêvegirêdayî, berdêla wê çi dibe bila bibe ji bo ku Heskîf di nava xweşikahiya xwe ya xwezayî de bimîne em dê heta dawî têbikoşîn. Em dê destûrê nedin kesîn ku dixwazin Heskîfê winda bikin."