Aynur Aras

Keda bi salan min daye ji bo wêjeya welatê xwe.
Niha hêdî bi hêdî, dibe dilxweşî û li min vedigere.
Ez di betlana xwe ya îsal de, çûme welêt û Tirkiyeyê.
Berê li Stênbolê îmzeya romana min a dawî derket ya bi navê "Berf û Berf" hate pê.
Bi baran sipas ji bo hevalên dilsoz ên ew organîze di Weqfa Îsmaîl Bêşîkçî de kirin.
Lê her û her xeyala min bû, dê li bajarokê xwe Qereyaziyê, li ser edebiyat, kultur û dîroka xelkê xwe, bi xelkê xwe re rojek wisa derbas bikim.
Îsal hem romana dawî derketibû hem jî, Qereyazî ji aliyê dezgeh û dolsozan ve ya me bû.
Şaredarî û hezkirên axa xwe dest dan hev û du,
di navbera du rojan de, organîzeya îmzeyê kirin.
Di bin sewta dengbêj de, îmze û danasîna yekem, di dîroka Qereyaziyê hate pê…!
Ez bawerim dê derbasî dîrokê be da cara yekem roja 13.07.2024'an îmze û danasîna kitêba jineke ji Qereyaziyê bi navê Aynur Aras derbûye.
Wekî me di serî de jî got keda bi salan bi rengekî xweşî û rêzdarî mohra xwe li dîrokê xist.
Û ew ji min re bû hêzeke mezin dê li ser wê kedê hîn xurtir berdewam bikim…!
Bi baran sipasî ji bo Şaredariya bajarokê xwe û hevalên dilmezinên axa xwe…!
2024 / 07/ 26

Vîdeoya vê çalakiyê:



***

Ji bo guhdarîkirinê: