Ji bo guhdarîkirinê:
eger nebûma
ribikekê sivik dibû dinya
wê misqalek ken kêm nebûba ji rûyê te
ne jî çend dilopên hêsirên çavan.
eger nebûma
bêhnekê ronî dibû dinya
wê hindik nebûba hezkirina te
ne jî kîn û hêrsa serleşkerekî Romayî.
eger nebûma
wê tibabekî nebariya baran
çongekê nedikişiya rewa
ne jî fîzefîza wans a êş.
eger nebûma
çendekî tarî nedibû sikak
wê pariyekî sivik nebûba barê te
ne jî xwîn diherikî ji wê gerdenê.
eger nebûma
tê wexteke din nejiya
wê li ber te firehtir nebûba dinya
ne jî bejna dareke sipîndarê
ne jî kavilekî li dera hanê
ne jî kulîlkeke behîvê
ne jî biharekê
ne jî baran
ne jî berf
ne jî çem
ne jî av
ne jî
nejî
ne.
.jpg)
.jpg)
.jpg)
